Oze 14:7 - Labib An Kreol Seselwa

⁷ Zot pou vin reste ankor anba mon lonbraz; zot ava fer dible repouse; zot pou fleri parey en pye rezen e donn Liban en loder diven.

Oze 14:7 ပူးပေါင်းရင်းမြစ်များ

Psonm 138:7

Menm si mon viv dan milye maler, ou protez mon lavi; ou lev ou lanmen kont lakoler mon bann lennmi e ou lanmen drwat i delivre mwan.

Psonm 85:6

Eski ou pa pou fer nou reviv e fer ou pep retrouv son lazwa?

Psonm 91:1

Sa enn ki reste kot Bondye Treo, e repoz anba proteksyon Bondye Toupwisan,

Kantik Salomon 2:3

Mon lanmoure i parey en pye ponm parmi bann pye dibwa dan lafore e parmi bann zennzan. Mon ti anvi asiz anba son lonbraz, son fri i dou dan mon labous.

Kantik Salomon 4:11

Mon fiyanse! Ou lalev i distil dimyel, anba ou lalang i annan dimyel ek dile; ou lenz i santi loder Liban.

Kantik Salomon 6:11

Mon'n desann dan zarden bann zarbis fri, pour war bann zenn plant pouse dan vale, pour war si bann pye rezen pe bourzonnen, si bann pye grenad pe fleri.

Ezai 61:11

Akoz parey later i fer lagrenn zermen, parey en zarden i fer pouse son bann legren, Senyer BONDYE pou fer lazistis ek louanz zermen devan tou bann nasyon.

Ezekyel 17:23

Mon pou plant li lo en montanny ki domin Izrael. I pou ganny bokou brans; i pou raport fri; i pou vin en zoli pye sed. Tou kalite zwazo pou apoz lo la. Zot pou fer zot nik dan lonbraz son bann brans.

Oze 14:5

Mon pou vin en laroze pour Izrael; i pou fleri parey en lis; i pou pran rasin parey pye dibwa dan lafore Liban.

Oze 2:21

La sa ki SENYER i deklare: Sa zour mon pou reponn. Lesyel pou reponn sa ki later pe espere.

Oze 2:22

Later pou reponn avek dible, diven nouvo, delwil fre; e zot ava reponn avek sa ki Zizreel pe espere.

Oze 6:2

I pou redonn nou lavi apre de zour; dan trwazyenm zour i pou releve nou, pour nou viv ankor dan son prezans.

Zakari 8:12

Annefe, mon pou senm lape; bann plantasyon rezen pou donn bon rekolt, later pou donn rekolt, lesyel pou donn lapli. Tousala, mon pou donn restan sa pep pour posesyon.

Levanzil dapre Zan 11:25

Zezi ti dir li, “Mwan menm, rezireksyon ek lavi. Sa enn ki krwar dan mwan, menm si i ava'n mor, i pou viv.

Levanzil dapre Zan 12:24

Mon dir zot, sa i laverite: En gren dible i reste en gren dible si i pa ganny zet dan later e mor. Si i mor, alor i prodwi en kantite lagrenn.