Oze 14:5 - Labib An Kreol Seselwa

⁵ Mon pou vin en laroze pour Izrael; i pou fleri parey en lis; i pou pran rasin parey pye dibwa dan lafore Liban.

Oze 14:5 ပူးပေါင်းရင်းမြစ်များ

2 Samyel 23:4

i parey bomaten ler soley pe leve dan en lesyel kler san nyaz; lasaler son reyon ek lapli verdir i sorti dan later.

2 Rwa 19:30

Bann sirvivan dan lafanmir Zida, ava repran rasin anba e raport fri lao.

Liv Zob 29:19

Mon bann rasin pou absorb delo, e aswar, laroze ava rafresi mon bann brans.

Psonm 133:3

I parey laroze lo montanny Hermon, ki desann lo bann kolin Siyon, la kot SENYER i donn son benediksyon, lavi pour touzour.

Psonm 72:16

Fer sa pei prodwi en kantite dible e bann kolin ava kouver avek bann zepi e son bann fri ava parey sa bann ki sorti Liban! Fer bann lavil ranpli avek zabitan parey zerb dan laplenn.

Psonm 72:6

I ava parey lapli ki tonm lo laplenn, e lapli ki aroz later.

Psonm 80:9

Ou ti defris later; son rasin ti desann o profon later e i ti kouver pei antye.

Psonm 92:12

Sa enn ki obei Bondye i grandi parey en pye palm; i pouse parey en pye sed dan Liban.

Psonm 92:13

I parey en pye dibwa ki'n ganny plante dan tanp SENYER. I fleri dan lakour tanp nou Bondye.

Proverb 19:12

Lakoler en lerwa i parey gronnyman en zenn lyon; me son labonte i parey laroze lo zerb.

Kantik Salomon 2:16

Mon byenneme i pour mwan e mon pour li. I fer son troupo manz parmi bann lis ki'n fleri.

Kantik Salomon 4:5

Ou de tete i parey de kabri, parey de zimo gazel ki pe manze parmi bann lis.

Ezai 12:1

Sa zour, ou pou dir: Mon loue ou, SENYER! Menm si ou ti ankoler avek mwan. Ou ti ankoler avek mwan, me aprezan, ou lakoler in tonbe e ou konsol mwan.

Ezai 18:4

Annefe, la sa ki SENYER in dir mwan: Mon pou reste trankil e depi kot mon reste, mon pou gete parey gro larder soley dan lazournen, parey en nyaz laroze dan lasaler pandan letan rekolt.

Ezai 26:19

Ou bann mor pou reviv, zot pou leve. Zot ki pe dormi dan lapousyer! Leve dan lazwa! Akoz ou laroze pou briye e later ava redonn lavi bann ki'n mor.

Ezai 27:6

Dan bann zour ki pe vini, Zakob pou pous rasin. Izrael ava donn bann bourzon, fleri e ranpli later antye avek son bann fri.

Ezai 35:2

I pou kouver avek fler. I pou sote, i pou sante e kriye avek lazwa. I pou ganny laglwar Liban ek labote montanny Karmel ek laplenn Saronn. Zot pou war laglwar SENYER, labote e grander nou Bondye.

Ezai 44:3

Annefe, mon pou aroz sa later ki swaf e fer koule bann sours lo later ki sek. Mon pou donn mon lespri ou desandans e mon benediksyon ou bann prozenitir.

Ezai 45:8

Lesyel! Fer tonbe lazistis parey laroze. Bann nyaz ava fer tonbe satiman parey lapli. Later! Ouver e les delivrans fleri e fer bourzonnen lazistis. Mwan SENYER ki'n kree tousala.

Ezai 57:18

Mon ti war son bann fason fer; me mon pou geri li; mon pou kondwir li e rekonpans li avek konsolasyon e osi tou bann ki port dey pour li.

Ezai 57:19

SENYER i deklare: Lape! Lape pour sa enn ki lwen, pour san enn ki pros! Mon pou geri zot tou!

Zeremi 3:22

Zot tou bann zanfan rebel ki'n tourn zot ledo kont SENYER, retourn kot li; i ava pardonn zot, zot enfidelite. Zot dir: Wi, nou pe retourn ver ou SENYER, akoz ou menm nou Bondye.

Zeremi 32:41

Mon pou pran plezir fer zot dibyen. Mon pou met tou mon leker e mon et antye pour ki zot enstal zot definitivman dan sa pei.

Oze 6:3

Annou konn li, annou vreman rode pour konn SENYER. I pou aparet, sa i sir parey lizour i fer. I pou vini zis parey lapli i tonbe, parey lapli i aroz later dan sezon lapli.

Mise 5:7

Leres desandan Zakob, parmi bann nasyon nonbre, ava parey en laroze ki sorti kot SENYER, parey en zanbren lapli lo zerb, e ki pa depann lo okenn imen. Zot pa esper nanryen sorti kot personn.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Matye 6:28

E akoz zot bezwen trakase lo size lenz? Gete ki mannyer bann lis dan laplenn i pouse. Zot pa ni travay, ni fer latwal.

Levanzil dapre Lik 12:27

Gete koman bann lis i pouse: Zot pa ni travay, ni trikote. Pourtan, mon dir zot, menm Salomon dan tou son mazeste, pa ti osi byen abiye ki en sel sa bann lis.

Efezyen 3:17

e ki Kris ava reste dan zot leker par lafwa. Mon priye ki zot ava ganny anrasinen e byen etabli dan lanmour,

Deterononm 32:2

Mon lansennyman i tonm parey lapli, e mon bann parol i koule parey gout laroze; parey grenas lo zerb, parey bann gout delo lo gazon.