Oze 14:2 - Labib An Kreol Seselwa

² Anmenn parol avek ou e retourn kot SENYER. Dir li: Pardonn tou nou bann krim; aksepte sa ki bon; dan plas toro, nou ofer ou bann fri nou labous.

Oze 14:2 ပူးပေါင်းရင်းမြစ်များ

2 Samyel 12:13

David ti reponn Natan, “Mon'n fer pese kont SENYER.” Natan ti reponn David, “SENYER osi in pardonn ou pese: Ou pa pou mor.

2 Samyel 24:10

David ti santi son leker bate, apre ki i ti'n fer resansman lepep. I ti dir SENYER, “Mon'n komet en gran pese par fer sa resansman. Aprezan, SENYER, mon demann ou pardonn mwan pour sa fot ki mwan ou serviter, mon'n komet, akoz mon'n azir koman en fou.”

Liv Zob 7:21

Akoz ou pa pardonn mon pese, e efas mon fot? Byento mon pou desann dan lapousyer; ou ava rod mwan, me mon pou nepli la.

Psonm 119:108

SENYER! Aksepte mon lapriyer louanz. Ansenny mwan ou bann desizyon.

Psonm 50:14

Ofer Bondye en sakrifis remersiman e gard tou ou bann promes ki ou'n fer anver Bondye Treo.

Psonm 51:16

Ou pa pran okenn plezir dan sakrifis, menm si mon ofer ou en sakrifis konplet.

Psonm 51:17

Sakrifis ki Bondye i oule, i en leker brize; Bondye pa zanmen rezet en leker konpletman brize.

Ezai 44:22

Mon'n balye ou bann fot parey en nyaz e ou bann pese parey en brouyar. Retourn kot mwan akoz mon'n sov ou.

Ezai 6:7

I ti tous mon labous avek sa labrez. I ti dir: Aprezan ki sa labrez in tous ou labous, ou fot in ale, ou pese in ganny efase.

Zeremi 3:12

Alor Zeremi! Al anons sa mesaz avek tou bann zabitan dan Nor. Mwan SENYER ki deklare: Izrael enfidel, retourn kot mwan. Mon pa pou kontinyen pran lakoler avek ou akoz mwan SENYER, mon annan pitye pour ou. Mon pa pou gard lakoler avek ou pour touzour, SENYER i deklare.

Oze 12:7

Parey bann Kananeen, Efraim i kontan servi fo balans, i kontan fer frod.

Oze 5:5

Lorgey Izrael i temwanny kont li. Efraim i tonbe akoz son fot, e Zida i tonm ansanm avek li.

Oze 6:6

Lanmour ki mon oule, pa sakrifis zannimo. Mon prefer konnesans Bondye, pa sakrifis konplet.

Zoel 2:17

Zot bann pret ki servi SENYER! Lamante ant lotel ek laport sanktyer. Dir: SENYER! Sov ou pep! Pa les ou bann zanfan vin en laont parmi bann nasyon! Pa les bann nasyon dir: Oli zot Bondye?

Zonas 2:9

Me mwan, mon pou ofer ou sakrifis, e sant ou rekonesans. Mon pou gard mon bann promes. Zis SENYER ki Sover!

Zakari 3:4

Lanz ti dir sa bann dimoun ki ti pe debout devan li, “Tir sa lenz sal lo li.” I ti dir avek Zozye, “Gete! La mon debaras ou avek ou pese; mon pou abiy ou dan lenz lafet.”

Matye 7:11

Si zot, move koman zot ete, zot konn donn zot zanfan bann bon keksoz, a pli fort rezon zot Papa ki dan lesyel, ava donn bon keksoz sa bann ki demann li.

Levanzil dapre Lik 11:13

Si zot, move koman zot ete, zot konn donn bon keksoz zot zanfan, zot Papa ki dan lesyel, i annan plis rezon pour donn son Lespri Sen tou dimoun ki demann li!”

Levanzil dapre Lik 18:13

Sa kolekter taks ti reste lwen deryer. I pa ti menm oze lev lizye pour get lesyel, me i ti tap son lestoma e dir: Mon Bondye! Pran pitye pour mwan ki en peser!

Levanzil dapre Zan 1:29

Lannmen, Zan ti war Zezi pe vin kot li. I ti dir, “La Zenn Mouton Bondye ki efas pese lemonn.

Romen 11:27

Sanmenm lalyans ki mon pou fer avek zot, kan mon pou fer disparet zot bann pese.

2 Timote 1:9

Li menm ki'n sov nou e ki'n apel nou pour vin son pep, pa akoz nou bann bon aksyon, me akoz son prop plan ek son lagras. Depi touzour, i'n akord nou sa lagras par Zezi-Kri.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Ebre 10:4

akoz i enposib fer disparet pese par disan toro ek bouk.

Ebre 13:15

Alor, par Zezi, annou touzour ofer Bondye en sakrifis louanz, setadir, annou toultan loue son non avek nou labous.

1 Pyer 2:5

Zot osi, koman bann ros vivan, ansanm vin konstri sa Tanp kot Lespri i reste. Zot ava form en kominote bann pret sen ki ava ofer sakrifis spirityel, akseptab devan Bondye par Zezi-Kri.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

1 Zan 1:7

Me si nou pe mars dan lalimyer parey li menm i dan lalimyer, alor, nou pe viv ini avek kanmarad, e disan Zezi, son Garson, i pirifye nou avek tou pese.

1 Zan 3:5

Annefe, zot konnen ki Zezi-Kri i'n vini pour fer disparet pese. Dan li napa okenn pese.