Oze 13:8 - Labib An Kreol Seselwa

⁸ Mon pou atak zot parey en lours ki'n perdi son bann piti; mon pou desir zot lapo leker; parey en femel lyon, mon pou devor zot, parey bann zannimo sovaz.

Oze 13:8 ပူးပေါင်းရင်းမြစ်များ

2 Samyel 17:8

I ti azoute, “Ou konn tre byen ou papa ek son bann zonm: Zot bann gerye; zot ankoler parey en lours ki'n perdi son piti dan lakanpanny. Ou papa i en gerye; i pa pou pas lannwit avek lepep.

Psonm 50:22

Zot ki'n oubliy Bondye! Fer byen atansyon. Otreman, mon pou desir zot e personn pa pour vin delivre zot.

Psonm 80:13

Bann koson maron sorti dan lafore i vin fer ravaz e tou bann zannimo dan laplenn i vin manze.

Proverb 17:12

Vomye rankontre en lours ki'n perdi son bann piti, ki afront en zonm fou dan son lafoli.

Ezai 5:29

Zot kriy parey en lyon, zot gronnyen parey en pti lyon; zot anmenn zot viktim dan bann landrwa sir, kot personn pa kapab vin pran.

Ezai 56:9

Zot tou bann zannimo sovaz, bann zannimo sovaz ki dan lafore! Vin devore.

Zeremi 12:9

Sa pep ki mon'n swazir, i parey en zwazo ki pe ganny atake par tou kote. Rasanble tou bann zannimo sovaz! Dir zot vin pran par dan festen!

Zeremi 25:38

Parey en lyon ki kit landrwa kot i kasyet, SENYER in abandonn sa pei kot i ti pe reste. Akoz bann ravaz ki lager in fer, e vyolans lakoler SENYER, sa pei in vin en dezer.

Oze 2:12

Mon pou detri son bann plantasyon rezen ek son bann pye fig. I ti pe dir: Sa lapey ki mon bann galan in donn mwan. Mon pou fer zot vin en landrwa brousay, kot zannimo sovaz pou vin manze.

Oze 5:14

Annefe, mon pou parey en lyon pour Efraim, e parey en zenn lyon pour pep Zida. Mon pou desir li, apre mon pou ale. Sa ki mon pou anmenn avek mwan, personn pa pou kapab delivre li.