Oze 13:5 - Labib An Kreol Seselwa

⁵ Mwan ki ti nouri zot dan dezer, dan lasesres.

Oze 13:5 ပူးပေါင်းရင်းမြစ်များ

Zenez 31:40

Lizour, mon ti soufer lasaler, e aswar lafreser. Mon pa ti ganny sonmey.

Psonm 1:6

Annefe, SENYER i protez semen bann ki zis. Me bann malfeter i pran semen ki anmenn dan perdisyon.

Psonm 142:3

Kan mon nepli annan kouraz, ou ki konn semen ki mon'n pran. Dan semen kot mon pase, zot in plas en latrap pour mwan.

Psonm 31:7

Mon rezoui e mon dan lazwa akoz ou fidelite, akoz ou'n war mon lapenn, ou'n konpran mon detres.

Psonm 63:1

Mon Bondye! Ou menm mon Bondye. Mon pe rod ou koman soley i leve. Mon swaf, mon anvi ou mon Bondye. Mon lekor i bezwen ou parey en later ki'n sek, san delo.

Egzod 2:25

Bondye ti regard bann Izraelit e i ti konpran.

Zeremi 2:2

al proklanm sa mesaz avek tou bann zabitan Zerizalenm. La sa ki SENYER i deklare: Mon rapel byen koman zot ti reste fidel anver mwan kan zot ti zenn; koman zot ti kontan mwan kan nou ti'n fek marye. Zot ti swiv mwan dan dezer, dan en pei kot zonm pa senmen.

Zeremi 2:6

Zot pa ti dir: Nou bezwen retourn kot SENYER ki'n fer nou sorti Lezip, ki'n gid nou dan dezer, kot i annan presipis, kot nanryen pa pouse. I fernwanr, napa personn ki reste e personn pa pase la.

Oze 5:3

Mon konn Efraim, e Izrael pa en sekre pour mwan. Efraim in tonm dan prostitisyon, e aprezan, Izrael antye in vin enpir.

Oze 9:10

Mon ti trouv pep Izrael konmsi zot ti rezen dan dezer. Mon ti war zot zanset konmsi ti bann premye fig lo pye. Me zot ti al ver Baal-Peor. Zot ti konsakre zot avek en lobze laont, zot in vin degoutan parey sa bann lobze ki zot kontan.

Nahoum 1:7

SENYER i bon, i en labri dan moman detres. I pran swen bann ki met zot konfyans dan li,

1 Korentyen 8:3

Me sa enn ki kontan Bondye, Bondye i konn li.

Galat 4:9

Me aprezan ki zot konn Bondye, ou plito, ki Bondye i konn zot, ki mannyer i posib pour zot anvi retourn kot sa bann eleman san valer e revin zot lesklav?

Deterononm 2:7

SENYER, ou Bondye in beni ou dan tou sa ki ou'n antreprann. In vey lo ou semen dan sa gran dezer. Pandan 40 an, SENYER, ou Bondye ti avek ou; ou pa'n mank nanryen.

Deterononm 32:10

I ti trouv li dan en pei dezer, dan en teritwar abandonnen. I ti protez li, pran swen avek li, gard li parey son kannet lizye,

Deterononm 8:15

I ti gid ou atraver gran dezer ki fer per ek en later ranpli avek serpan anpwazonnen, skorpyon. Kot ti napa okenn delo, i ti fer delo sorti dan ros granit pour ou.