Oze 13:3 - Labib An Kreol Seselwa

³ Alor, zot pou parey brouyar granmaten, oubyen laroze ki disparet dan en pti moman. Zot parey lapay dible oubyen lafimen ki sorti par lafnet.

Oze 13:3 ပူးပေါင်းရင်းမြစ်များ

Liv Zob 21:18

Menm si zot souvan parey lapay dan divan, parey lapousyer ki tanpet i fer anvole,

Liv Zob 30:15

Lafreyer in sezi mwan, mon loner in ganny balye konmsi par en koudvan. Tou mon boner in disparet parey en nyaz.

Psonm 1:4

I pa parey bann malfeter: Zot koman lapay ki voltize dan divan.

Psonm 68:2

Parey lafimen, ou fer zot disparet. Parey lasir devan dife, ou fer zot fonn. Bann malfeter pou disparet devan Bondye.

Ezai 17:13

Bann nasyon i gronnyen parey bann gro laroul. Me SENYER pou rezet zot, e zot ava sov byen lwen. Zot ganny pouse parey lapay dan divan lo montanny, parey en tourbiyon lapousyer avan tanpet.

Danyel 2:35

Alor, fer, later, bronz, larzan ek lor, ti ganny kraze e vin lapousyer. Zot ti anvole parey lapay, ler ou bat dible. Divan ti balye zot san kit okenn latras. Me sa ros ki ti tap sa stati ti vin en gran montanny ki ti ranpli later antye.

Oze 6:4

SENYER i reponn: Ki mon pou fer pour ou, Efraim? Ki mon pou fer pour ou, Zida? Ou lanmour i parey nyaz granmaten, parey laroze granmaten, ki disparet.

Sofoni 2:2

avan ki en lord i sorti, avan sa zour i anvole parey en bren lapay, avan ki gro lakoler SENYER i tonm lo zot, avan ki sa zour lakoler SENYER i arive!

Zakari 8:12

Annefe, mon pou senm lape; bann plantasyon rezen pou donn bon rekolt, later pou donn rekolt, lesyel pou donn lapli. Tousala, mon pou donn restan sa pep pour posesyon.