Oze 13:15 - Labib An Kreol Seselwa

¹⁵ Menm si i pous byen parey move zerb, divan Les pe vini, SENYER pou anvoy li sorti dan dezer. Tou son sours delo, tou son pwi pou sek. Ou pou ganny depouye avek tou ou bann trezor.

Oze 13:15 ပူးပေါင်းရင်းမြစ်များ

Zenez 41:23

Apre, set lot zepi meg e brile par divan Les ti mont deryer zot.

Zenez 41:52

I ti apel son dezyenm garson, Efraim. I ti dir: Bondye in fer mwan ganny zanfan dan pei mon soufrans.

Zenez 41:6

Apre, i ti war set zepi dible byen meg e tou brile par divan Les.

Zenez 48:19

Me son papa ti refize. I ti dir, “Mon konnen mon garson. Li osi i pou vin en pep e i pou vin gran. Son pti frer pou vin pli gran ki li e son desandans pou vin en gran nasyon.”

Zenez 49:22

Zozef i parey en plant fertil ki pous obor en sours; son bann brans i depas miray.

Liv Zob 18:16

Anba, son rasin pe sek anler, son bann brans pe fletri.

Psonm 1:4

I pa parey bann malfeter: Zot koman lapay ki voltize dan divan.

Psonm 109:13

Son bann desandan pou disparet e son non pou ganny efase apartir dezyenm zenerasyon!

Ezai 14:21

Prepar masak bann zanfan akoz krim zot papa. Zot pa pou lev ankor pour al anvai lemonn, oubyen konstri lavil partou lo later.

Ezai 17:13

Bann nasyon i gronnyen parey bann gro laroul. Me SENYER pou rezet zot, e zot ava sov byen lwen. Zot ganny pouse parey lapay dan divan lo montanny, parey en tourbiyon lapousyer avan tanpet.

Ezai 27:8

Ou'n egzekit ou zizman, ou'n anvoy zot annegzil. Par ou souf terib, ou'n balye zot parey en divan vyolan sorti dan Les.

Ezai 41:16

Ou pou vann zot e zot pou anvole dan divan; tanpet pou dispers zot. Apre sa, ou pou dan lazwa akoz SENYER; ou pou met ou lafyerte dan Bondye sen Izrael.

Zeremi 20:5

Mon pou osi les zot lennmi pran e fer piyaz tou larises sa lavil e sezi tou sa ki zot in gannyen afors travay, zot bann lobze presye, menm trezor bann lerwa Zida. Tousala, lennmi pou pran e anmenn avek li Babilonn.

Zeremi 4:11

SENYER pou dir bann zabitan Zerizalenm: En divan so ki sorti dan dezer, pe vin soufle lo mon pep. I pa en labriz pour vannen, ni pour netwaye.

Zeremi 4:12

Sa i en gro divan ki pou soufle lo mon lord. Aprezan, mon pou pronons mon zizman kont zot.

Zeremi 51:1

La sa ki SENYER i deklare: Mon pou anvoy en divan ki pou detri Babilonn e kont bann zabitan Leb-Kamai.

Zeremi 51:36

La sa ki SENYER ti deklare: Mon pou pled ou ka e mon pou vanz dan ou plas. Mon pour fer sek lanmer Babilonn e fer sek son sours.

Ezekyel 17:10

Kan i ganny transplante, eski i pou pouse? Pa i pou sek ler divan sorti dan Les pou soufle lo li? Pa i pou zis fletri dan sa landrwa kot i ti devre pouse?

Ezekyel 19:12

Me i ti ganny derasinen avek lakoler e ganny zet ater. Divan sorti dan Les ti fer li sek e son bann fri ti degrennen. Son bann brans byen for ti ganny detri par dife.

Danyel 11:8

I pou menm anmenn Lezip tou zot bann bondye, zot bann stati an metal ek bann lobze valer annarzan e annor, koman piyaz lager. Pandan en pe lannen, i pou evite atak lerwa Nor.

Oze 10:1

Izrael ti parey en pye rezen ki ti prodwi bokou fri. Pli i ti prospere, pli i'n ogmant bann lotel zidol. Pli son pei i zoli, pli i'n anbeli bann ros sakre.

Oze 2:3

Sankwa, mon pou tir li touni, parey i ti ete zour son nesans. Mon pou fer teritwar Izrael vin en dezer; mon pou fer li vin en later konpletman sek. Mon pou fer li mor laswaf.

Oze 4:19

Zot pou anvole dan divan. Zot pou onte avek zot bann sakrifis.

Oze 9:11

Laglwar Efraim pou anvole parey en zwazo: Pou nepli annan nesans; pou nepli annan fanm ansent; pou nepli annan lansentman.

Zonas 4:8

Kan soley ti monte, Bondye ti fer soufle en divan so sorti dan Les; soley ti tap lo latet Zonas e fer li feb. I ti demann lanmor ankor: Plito mon mor ki kontinyen viv konmsa.

Nahoum 2:9

Fer piyaz larzan, fer piyaz lor! Larises i annabondans; Lobze presye pa manke.

Deterononm 33:17

I parey son toro premye ne ki donn li laglwar. Son bann korn i parey korn en bef sovaz. I bat lepep avek, partou, lo later antye. Sanmenm sa bann milyon pour Efraim sanmenm sa bann milye pour Manase.