Oze 12:8 - Labib An Kreol Seselwa

⁸ Efraim i dir: Mon ris, mon'n fer en fortin. Me mon pa'n fer nanryen mal; mon pa'n fer okenn fot ki en pese.

Oze 12:8 ပူးပေါင်းရင်းမြစ်များ

Psonm 49:6

Zot met zot konfyans dan zot larzan; zot fer vantar avek zot gran larises.

Psonm 52:7

Get li sa zonm ki pa'n pran Bondye pour protekter, me ki'n fye lo son gran larises e ki'n depann lo son bann krim!

Psonm 62:10

Pa met ou konfyans dan vyolans; pa esper vin ris avek keksoz vole. Menm si ou larises i ogmante, pa met ou leker lo la.

Proverb 11:1

SENYER i deteste en balans ki'n fose; me en pwa ki zis, i fer li plezir.

Proverb 30:12

I annan en bann ki krwar zot pir, me ki pa'n lav zot salte.

Proverb 30:20

La koman en fanm adilter i konport li: I manze, eswiy son labous, e dir: Mon pa'n fer nanryen mal.

Zeremi 2:23

Koman ou kapab oze dir: Mon pa'n fer nanryen ki kapab rann mwan enpir; mon pa'n zanmen ador bann Baal? Gete koman ou'n konport ou dan vale; gete ki ou'n fer. Ou parey en zenn femel samo an sezon ki pe tay taye.

Zeremi 2:35

Ou pretann ki ou inosan, e ki mon pa devre pini ou. Akoz ou deklare ki ou pa'n fer nanryen mal, mon pou met ou ankour.

Zeremi 5:27

Parey en lakaz zwazo i ranpli avek zwazo, zot lakaz i plen avek bann lobze vole. Konmsa ki zot in vin pwisan e ris.

Ezekyel 28:5

Par ou konnesans dan komers, ou'n ogmant ou larises, ki'n ranpli ou leker avek lorgey.

Oze 13:6

Mon ti nouri zot, e zot ti rasazye; zot leker ti fyer e zot ti oubliy mwan.

Oze 14:1

Izrael! Retourn ver SENYER ou Bondye. Ou fot in fer ou tonbe.

Oze 4:8

Zot anrisi lo pese mon pep. Alor, zot ankouraz mon pep pour komet plis pese.

Amos 8:5

Zot dir dan zot menm: I'n ler pour lafet nouvellin fini! Konmsa, nou ava kapab vann nou prodwi. I'n ler pour saba terminen! Konmsa, nou ava kapab ouver nou sak dible. Nou ava diminyen lo mezir, nou ava ogmant pri e fos bann balans.

Habakouk 1:16

Pour sa rezon, zot ofer en sakrifis an loner zot lasenn e bril lansan devan zot karle. Annefe, akoz sa, ki zot in atrap bokou pwason, e manz bann bon repa.

Zakari 11:5

Dimoun ki aste zot, i touy zot, san ganny pini. Dimoun ki vann zot, zot dir: Loue SENYER, akoz mon'n vin ris. Zot prop berze napa okenn pitye pour zot.

Malasi 2:17

Zot in fatig SENYER avek zot bann koze. Pourtan, zot demande: Ki mannyer nou'n fatig li? Zot fatig li kan zot dir: SENYER i aksepte tou bann malfeter e i kontan zot. Oubyen kan zot demande: Oli sa Bondye ki fer lazistis?

Malasi 3:13

SENYER i deklare: Zot in dir bann parol ensolan kont mwan. Pourtan zot demande: Ki nou'n dir kont ou?

Levanzil dapre Lik 10:29

Me pour zistifye son lekor, sa profeser Lalwa ti demann Zezi, “Lekel ki mon prosen?”

Levanzil dapre Lik 12:19

Apre, mon ava dir dan mwan menm: Rekolt ki ou'n anmase i ase pour plizyer lannen. Alor, repoz ou, manze, bwar e anmize!

Levanzil dapre Lik 16:13

En serviter pa kapab servi de met; swa i pou ay enn e kontan lot, swa i pou devoue anver enn e mepriz lot. Ou pa kapab servi Bondye ek larzan anmenmtan.”

Levanzil dapre Lik 16:15

Me Zezi ti dir zot, “Zot parmi bann dimoun ki fer zot pas pour zis, me Bondye i konn zot leker. Annefe, i deteste sa ki zonm i konsider gran.

Deterononm 8:17

Fer atansyon! Pa dir dan ou menm: Mon'n ganny mon larises par mon lafors ek mon pwisans.

1 Timote 6:17

Pour bann ki posed larises dan sa monn, rekomann zot pa fer vantar. Dir zot pa met zot lesperans dan sa bann larises enserten, me dan Bondye ki donn nou tou keksoz annabondans pour nou zouir.

1 Timote 6:5

e bann diskisyon ki pa zanmen fini ant dimoun ki lespri in fose e ki'n perdi tou nosyon laverite. Zot krwar ki lafwa dan Bondye i en mwayen pour vin ris.

Revelasyon 3:17

Ou dir: Mon ris, mon'n anrisi, e mon pa bezwen nanryen. Me ou pa konnen konbyen ou malere, mizerab, pov, aveg e touni.