Oze 12:6 - Labib An Kreol Seselwa

⁶ Me ou, ou devre retourn kot ou Bondye, pratik lanmour e annan respe pour lazistis; touzour met ou lesperans dan ou Bondye.

Oze 12:6 ပူးပေါင်းရင်းမြစ်များ

Zenez 49:18

SENYER! Mon esper ou, e ou ava sov mwan.

Psonm 123:2

Parey en serviter ki gard son lizye fikse lo lanmen son met; parey en servant ki pa kit lanmen son met; nou osi, nou lev nou regar ver SENYER nou Bondye, ziska ki i pran pitye pour nou.

Psonm 27:14

Met ou lespwar dan SENYER; reste for, repran kouraz. Met ou lespwar dan SENYER.

Psonm 37:7

Gard silans devan SENYER, esper li avek pasyans. Pa pran lakoler kont sa bann ki reisi dan lavi, kont sa ki fer bann move kou.

Egzod 3:15

Bondye ti dir ankor avek Moiz: Ou ava dir bann Izraelit: SENYER, Bondye zot zanset Bondye Abrahanm, Bondye Izaak e Bondye Zakob ki'n anvoy mwan kot zot. Sa i ava mon non pour touzour, mon non ki bann zenerasyon fitir ava envoke.

Proverb 1:23

Ekout mon bann lavertisman! Alor, mon ava devers mon konnesans lo zot; mon ava fer zot konn mon mesaz.

Proverb 21:3

SENYER i prefer ladrwatir ek lazistis, plito ki bann sakrifis.

Ezai 1:16

Lav zot! Pirifye zot! Tir sa bann move keksoz devan mwan. Aret fer sa ki mal.

Ezai 30:18

Pourtan, SENYER pe espere pour li montre ou son labonte. I pou monte pou montre ou son konpasyon. Akoz SENYER i en Bondye zis. Byennere tou dimoun ki met lespwar dan li!

Ezai 31:6

Pep Izrael! Retourn ver sa enn kont lekel ou'n komet en gran traizon.

Ezai 40:31

Me sa bann ki met zot konfyans dan SENYER ava reganny zot lafors; zot ava anvole parey en leg; zot ava taye, me zanmen fatige; zot ava marse san rente.

Ezai 58:6

La zenn ki fer mwan plezir: Detas bann lasenn lenzistis, tir sa fardo ki pez lo ou zepol, rann lib dimoun ki ganny kraze e debaras bann fardo ki gard ou lesklav.

Ezai 8:17

Mon pou esper SENYER, i'n detourn li avek desandan Zakob. Mon pou met mon lespwar dan li.

Zeremi 22:15

Lefe ki ou konstri lakaz avek dibwa sed pa fer ou en pli bon lerwa. Ou papa ti manze, bwar parey tou dimoun. Me i ti pratik lazistis, i ti en zonm drwat. Tou keksoz ti mars byen pour li.

Ezekyel 18:30

Alor, pep Izrael! Mon pou ziz sakenn dapre son prop aksyon, Senyer BONDYE i deklare. Sanz ou lavi e abandonn ou bann move mannyer fer. Pa les ou pese detri ou.

Oze 10:12

Senm lazistis e ou ava rekolte fidelite. Defris en nouvo plantasyon: Letan in arive pour ou tourn ver SENYER, pour mwan vin devers lazistis lo ou.

Oze 14:1

Izrael! Retourn ver SENYER ou Bondye. Ou fot in fer ou tonbe.

Oze 4:1

Izrael, ekoute! Ekout parol SENYER! SENYER i annan en lakizasyon kont bann zabitan sa pei, akoz napa ni lwayote, ni fidelite, ni konnesans Bondye dan sa pei.

Zoel 2:12

La sa ki SENYER i deklare: Retourn kot mwan avek tou zot leker: Zennen, plere, lamante.

Zoel 2:13

Pa desir zot lenz, me plito zot leker. Retourn kot SENYER, zot Bondye, akoz i ranpli avek konpasyon ek pitye. I ranpli avek pasyans ek fidelite; i regret bann pinisyon.

Amos 4:13

Bondye i sa enn ki form bann montanny e kree divan. I revel son bann plan avek bann imen. I fer lizour vin lannwit. I mars lo bann oter. Son non: SENYER, Bondye liniver.

Amos 5:24

Plito, fer lazistis koule parey delo, e ladrwatir parey en larivyer, ki pa zanmen sek!

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Mise 7:7

Mwan, mon pou tourn ver SENYER, mon pou esper Bondye, mon sover. Mon Bondye pou antann mwan.

Habakouk 2:3

Annefe, sa i ankor en vizyon pour en letan ki'n ganny fikse. I pou realize byento; sa i laverite. Si i tarde, espere, akoz i pou sirman realize, san tarde.

Sofoni 3:8

La sa ki SENYER i deklare: Esper mwan! Espere zour mon leve pour akiz zot. Mon'n deside rasanble bann nasyon, bann rwayonm, pour fer zot santi pwa mon gran lakoler. Mon pou detri pei antye par dife mon lakoler terib.

Zakari 1:3

Alor, dir zot: La sa ki SENYER liniver i deklare: Retourn kot mwan, SENYER liniver i deklare, e mon ava retourn kot ou, SENYER liniver i deklare.

Zakari 7:9

La sa ki SENYER liniver i deklare: Rann bann vre zizman; pratik labonte ek konpasyon antre zot.

Zakari 8:16

La sa ki zot devre fer: Koz laverite avek ou prosen; devan tribinal, rann bann zizman korek.

Akt de Zapot 2:38

Pyer ti reponn zot, “Sanz zot mannyer viv e ki sakenn i ganny batize lo non Zezi-Kri, pour li ganny pardon son bann pese. Alor, zot ava resevwar kado Bondye: Lespri Sen.

Akt de Zapot 26:20

Okontrer, mon ti konmans prese dan Damas, apre avek zabitan Zerizalenm, e answit dan tou bann rezyon Zide ek tou lezot nasyon. Mon ti demann zot pour sanz zot lavi pese, e retourn ver Bondye e pratik bann aksyon ki montre ki vreman zot in repanti.

Let Zak 1:27

La sa ki Bondye Papa i konsider koman en relizyon pir e san defo: Pran swen bann orfelen ek bann vev dan zot detres; pa les ou ganny sali par salte sa monn.

Let Zak 2:13

Annefe, Bondye pou san pitye kan i pou ziz sa enn ki pa'n pran pitye pour lezot. Me sa enn ki annan pitye, napa nanryen pour li per zizman.