Oze 12:12 - Labib An Kreol Seselwa

¹² Zakob ti sove pour al an Mezopotami. I ti antre dan servis en lot zonm pour ganny en fanm. Pour pri en fanm, i ti vin en gardyen mouton.

Oze 12:12 ပူးပေါင်းရင်းမြစ်များ

Zenez 27:43

Aprezan mon garson, ekout mwan. Sov kot mon frer, Laban ki reste Harann.

Zenez 30:26

Donn mwan mon bann fanm ek mon bann zanfan. Pour zot ki mon'n travay dan ou servis. Les mwan ale. Ou konnen ou menm tou sa travay ki mon'n fer pour ou.”

Zenez 31:41

Mon'n fer 20 an kot ou, mon'n servi ou pandan 14 an pour ou de fiy, e 6 an pour ganny bann troupo. Ou'n sanz mon lapey 10 fwa.

Oze 4:15

Izrael, ou'n tonm dan prostitisyon, pourvi ki Zida pa tonm dan menm fot. Pa bezwen al Gilgal, pa mont Bet-Aven, e pa pronons en serman pour dir: Par SENYER ki vivan.

Oze 6:8

Galaad i en lavil ranpli avek bandi, ek latras disan partou.

Deterononm 26:5

La sa ki ou ava deklare devan SENYER, ou Bondye: Mon zanset ti en nomad Arameen. I ti desann Lezip kot i ti reste koman en etranze. Ti napa bokou zot. Me la, in vin en gran nasyon, pwisan e nonbre.