Oze 12:10 - Labib An Kreol Seselwa

¹⁰ Mon ti koz avek bann profet; mwan ki miltipliy zot bann vizyon, e atraver bann profet, mon pou anmenn destriksyon.

Oze 12:10 ပူးပေါင်းရင်းမြစ်များ

1 Rwa 13:1

Lo lord SENYER, en profet Bondye sorti Zida ti ariv Betel, pandan ki Zeroboanm ti pe ofer lansan lo lotel.

1 Rwa 17:1

Eli, ki ti sorti Tisbit, enn bann zabitan Galaad, ti dir Akab, “Par SENYER Bondye Izrael ki vivan, mwan son serviter mon dir ou: Dan bann lannen ki pe vini, pou napa laroze, ni lapli ziska ler mon dir.”

1 Rwa 19:10

Eli ti reponn, “SENYER, Bondye liniver, mon pa kapab siporte ki pep Izrael in abandonn ou lalyans, detri tou ou bann lotel, e touy tou ou bann profet par lepe. I reste zis mwan e zot pe rod mwan pour touye.”

2 Rwa 17:13

SENYER ti'n averti Izrael ek Zida par lentermedyer tou son bann profet, e tou son bann vizyoner, ler i ti dir zot: Abandonn zot bann move mannyer fer e obzerv bann komannman ek bann regleman ki mon'n donn zot dapre bann lalwa ki mon'n donn zot zanset par lentermedyer mon bann serviter, bann profet.

Nehemi 9:30

Ou ti pasyan avek zot pandan bokou lannen; ou ti averti zot par ou lespri, par lentermedyer ou bann profet. Me zot pa ti ni menm ekoute. Alor, ou ti livre zot dan lanmen bann pep sa bann pei.

Egzod 20:2

Mwan menm SENYER ou Bondye, ki ti delivre ou Lezip dan lesklavaz.

Zeremi 19:1

La sa ki SENYER ti dir: Al aste en gargoulet kot en potye. Pran avek ou detrwa zonm parmi bann ansyen e detrwa pret pli aze.

Zeremi 19:10

Apre sa, ou ava kas sa gargoulet devan bann zonm ki'n vin avek ou.

Zeremi 25:4

SENYER pa'n zanmen arete anvoy zot son bann serviter, bann profet. Me zot pa'n oule ekoute, ni port atansyon.

Zeremi 7:25

Depi zour ki mon ti fer zot bann zanset sorti Lezip, mon'n touzour anvoy bann profet, mon bann serviter, kot zot.

Ezekyel 17:2

Ou ki en imen, propoz en parabol. Rakont pep Izrael.

Ezekyel 20:49

Apre mon ti dir: Senyer BONDYE! Zot dir ki mon zis en rakonter parabol.

Oze 13:4

Sepandan, mwan ki SENYER, zot Bondye depi ki zot in sorti Lezip. Zot pa'n konn okenn lot Bondye eksepte mwan; apard mwan, napa en lot sover.

Oze 3:1

SENYER ti dir mwan ankor: Ale e kontan ankor en fanm adilter ki annan en galan. Kontan li parey SENYER i kontan pep Izrael, menm si zot al ver lezot Bondye e zot kontan pake rezen.

Zoel 2:28

Apre sa, mon pou devers mon lespri lo tou dimoun: Zot zennzan ek zot zenn fiy pou profetize. Zot bann vyeyar pou ganny rev, Zot bann zennzan pou ganny vizyon.

Levitik 23:42

Pandan set zour, zot ava reste dan latant; tou sitwayen Izrael ava reste dan latant.

Amos 7:14

Amos ti reponn Amasya, “Mon pa ni profet, ni desandan en profet. Mon fer elvaz bef e mon kiltiv pye sikomor.

Nonm 12:6

I ti dir zot: Ekout byen mon parol! Ler i annan en profet parmi zot, mwan SENYER, mon revel mwan avek li dan en vizyon; mon koz avek li dan en rev.

Akt de Zapot 2:17

La sa ki Senyer i deklare: Dan sa bann dernyen zour, mon pou repann mon Lespri lo tou bann et imen. Zot bann garson ek zot bann fiy pour profetize. Zot bann zennzan pour ganny bann vizyon. Zot bann vyeyar pour ganny bann rev.

2 Korentyen 12:1

Mon bezwen vant mon lekor, menm si i pa itil. Me aprezan, mon pou koz lo bann vizyon ek bann revelasyon ki Senyer in donn mwan.

2 Korentyen 12:7

Sepandan, pour ki mon pa vant mon lekor pour sa bann revelasyon ekstraordiner, mon'n ganny en soufrans dan mon lekor. I koman en mesaze Satan ki'n ganny anvoye pour tourmant mwan e anpes mwan fer vantar.