Oze 11:6 - Labib An Kreol Seselwa

⁶ Lepe lager pou balye zot bann lavil. I pou detri tou son bann defans, i pou devor tou, akoz zot move proze.

Oze 11:6 ပူးပေါင်းရင်းမြစ်များ

Psonm 106:39

Par sa bann aksyon, zot ti'n vin enpir e zot ti vin bann prostitye par zot mannyer fer.

Psonm 106:43

I ti delivre zot plizyer fwa; me zot ti kontinyen revolte e anfonse dan zot pese.

Ezai 18:5

Akoz avan letan rekolt, ler bann fler in fini fleri, ler fler in vin grap ki pe mir, i pou koup bann bourzon initil avek en zouti; i pou tay bann brans ki pe file partou.

Ezai 27:10

Napa personn dan bann lavil fortifye; zot in ganny abandonnen parey en dezer. Bann zenn bef i vin manz zerb, zot dormi la e zot plim bann bransaz.

Ezai 30:1

La sa ki SENYER i deklare: Maler lo zot bann zanfan rebel! Zot fer bann plan ki pa sorti kot mwan. Zot siny bann lalyans ki mon pa aprouve e akimil pese enn lo lot.

Ezai 9:14

Alor dan en sel zour, SENYER in koup latet ek lake Izrael, brans palm ek banbou.

Zeremi 5:17

Zot pou devor tou: Rekolt ek zot nouritir. Zot pou touy bann garson ek bann fiy. Zot pou masakre zot troupo ek zot betay. Zot pou detri bann plantasyon rezen ek bann pye fig. Tou bann lavil fortifye kot ou krwar ou an sekirite, pou ganny detri par zot larme ki pou masakre tou bann zabitan.

Zeremi 50:35

Lager kont Babilonn, kont son bann zabitan, son bann sef e son bann saz, SENYER i deklare.

Lamantasyon 2:9

Bann gran laport in ganny met ater. Bann fermtir in ganny kase an morso. Lerwa ek son bann zofisye in ganny anvoye annegzil. Lalwa nepli ganny ansennyen; bann profet nepli ganny vizyon sorti kot SENYER.

Ezekyel 20:47

Dir lafore Negev: Ekout parol SENYER, la sa ki Senyer BONDYE i deklare: Mon pou alim en dife ki pou bril tou pye dibwa dan ou lafore, bann ki ver oubyen bann sek. Personn pa pou kapab tenny li. Depi Nor ziska Sid, tou pou ganny brile par lasaler son laflanm.

Oze 10:14

alor, pou annan dega lager parmi ou pep, e tou ou bann fortres pou ganny detri parey Salmann ti detri Bet-Arbel, e bann manman ti ganny kraze avek zot bann zanfan.

Oze 10:6

I pou ganny ofer avek lerwa Asiri koman en kado pour sa gran lerwa. Efraim pou dan laont. Izrael pou onte avek son bann proze.

Oze 13:16

Samari pou pey konsekans son krim, akoz in revolte kont Bondye. Zot pou ganny masakre; pti baba pou ganny kraze; fanm ansent pou ganny ouver vant.

Oze 4:16

Izrael i retif parey en zenis ki refize bouze. Eski SENYER pou tret li parey mouton dan laplenn?

Oze 4:17

Efraim in asosye zot avek bann zidol: Les li!

Levitik 26:25

Mon pou anvoy lager kont zot, pour pini zot akoz mon lalyans. Si zot al pran refiz dan bann lavil, mon pou anvoy lepidemi parmi zot, e zot ava tonm dan lanmen lennmi.

Levitik 26:31

Mon pou fer zot bann lavil vin en ta debri, devaste zot bann sanktyer; mon pa pou aksepte loder zot bann lofrann.

Levitik 26:33

Mon pou dispers zot parmi bann nasyon e anvoy lager kont zot. Zot pei pou vin en dezolasyon e zot bann lavil ava vin en ta debri.

Amos 6:8

Senyer BONDYE, par en serman, SENYER, Bondye liniver i deklare: Lorgey pep Izrael i degout mwan; mon deteste lorgey lafanmir Zakob ek son bann pale. Mon pou livre lavil Samari dan lanmen lennmi ek tou sa ki ladan.

Mise 5:11

Mon pou detri tou lavil dan ou pei e demoli ou bann fortres.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Deterononm 28:52

Dan ou pei antye, i pou anserkle ou partou dan ou bann lavil, ziska ki bann gran miray fortifye kot ou ti krwar ou an sekirite, i tonbe. I ava anserkle ou dan bann lavil, partou dan pei ki SENYER, ou Bondye in donn ou.

Deterononm 32:25

Dimoun pou ganny masakre dan lari. Dan bann lakaz, zennzan, zenn fiy, pti baba ki ankor pe tete, vyeyar avek seve blan zot tou, zot pou mor avek lafreyer.