Oze 11:2 - Labib An Kreol Seselwa

² Plis mon apel zot, plis zot elwanny zot avek mwan; zot kontinyen ofer sakrifis devan Baal, e ofer lansan devan bann zidol.

Oze 11:2 ပူးပေါင်းရင်းမြစ်များ

1 Rwa 12:33

I ti mont Betel devan lotel kenzyenm zour, dan wityenm mwan ki i ti'n etabli par son prop desizyon. I ti etabli en lafet pour pep Izrael e monte pour al bril lansan lo lotel.

1 Rwa 18:19

Aprezan, fer rasanble pep Izrael antye. Rasanble zot lo montanny Karmel, ansanm avek sa bann 450 profet Baal ek sa 400 profet Asera ki Zezabel i nouri.”

Nehemi 9:30

Ou ti pasyan avek zot pandan bokou lannen; ou ti averti zot par ou lespri, par lentermedyer ou bann profet. Me zot pa ti ni menm ekoute. Alor, ou ti livre zot dan lanmen bann pep sa bann pei.

Ezai 65:7

Zot pou peye pour zot pese anmenmtan, pour pese zot zanset, zot ki ti bril lansan lo bann montanny e ki ti provok mwan lo bann kolin. Mon pou fer zot rann kont avek tou mon leker e mon ava regle mon kont direkteman avek zot.

Zeremi 18:15

Me mon pep in oubliy mwan e in al bril lansan devan bann fo bondye ki'n fer li tonbe dan semen, lo semen ki zot ti swiv dan tan lontan e al mars dan bann nouvo santye ki pa ankor trase.

Zeremi 35:13

Al koz avek lepep dan Zida ek bann zabitan Zerizalenm. La sa ki SENYER liniver, Bondye Izrael i deklare: Eski zot ava anfen aksepte swiv mon lenstriksyon e ekout sa ki mon dir zot?

Zeremi 44:5

Me zot pa ti ekout mwan, e zot pa'n port okenn atansyon. Zot pa'n renons zot move mannyer fer, e zot in kontinyen ofer bann sakrifis an loner lezot bondye.

Oze 11:7

Mon pep i antete pour elwanny zot avek mwan. Zot ganny apele lao, me personn pa leve.

Oze 2:13

Mon pou fer li peye pour letan ki i'n pase avek bann Baal. I ti ofer zot lansan. I ti abiye dan bag ek kolye pour zot. I ti swiv son bann galan, me mwan, i ti oubliye. SENYER ki deklare.

Oze 4:13

Zot ofer sakrifis lo latet bann montanny. Zot bril lansan lo bann kolin, anba nenport pye dibwa ki donn bon lonbraz. Pour sa rezon ki zot bann fiy i dan prostitisyon, e zot bann belfiy i komet adilter.

Oze 4:17

Efraim in asosye zot avek bann zidol: Les li!

Zakari 1:4

Pa fer parey zot bann zanset avek ki bann ansyen profet ti anonse: La sa ki SENYER liniver i deklare: Retournen! Kit zot bann move semen ek zot bann move mannyer fer! Me, zot pa ti ekout mwan; zot pa ti pret atansyon, SENYER liniver i deklare.

Zakari 7:11

Me zot ti refize ekoute. Zot ti tourn ledo e bous zot zorey pour zot pa tande.

Levanzil dapre Lik 13:34

Zerizalenm, Zerizalenm! Ou ki touy bann profet e donn koudros bann ki Bondye in anvoy kot ou! Konbyen fwa mon ti oule rasanble ou bann zanfan, parey en mer poul i rasanble son bann piti anba son lezel, me ou pa'n oule!

Levanzil dapre Zan 3:19

La ki mannyer Bondye pou pas son zizman: Lalimyer in vin dan lemonn, me akoz zot bann move aksyon, dimoun in pli kontan fernwanr.

Akt de Zapot 7:51

Zot bann zonm antete; zot leker ek zot zorey pa'n ganny sirkonsi. Zot fermen avek mesaz Bondye. Zot touzour pe reziste Lespri Sen. Zot parey zot bann zanset.

Ziz 10:6

Bann Izraelit ti rekonmans fer sa ki depler SENYER: Zot ti al servi bann Baal ek bann Astarte, bondye bann Arameen, bann Sidonit, bann Moabit, bann Amonit e bann Filisten. Zot ti abandonn SENYER e aret servi li.

Ziz 2:13

Zot ti abandonn SENYER e al servi bann Baal ek bann Astarte.

Ziz 3:7

Pep Izrael ti fer sa ki depler SENYER: Zot ti oubliy SENYER zot Bondye pour al ador bann Baal ek bann Asera.