Oze 11:12 - Labib An Kreol Seselwa

¹² Efraim in antour mwan avek mansonz. Izrael in anvlop mwan dan son bann tronpri; me Zida i reste fidel e i mars avek Bondye sen.

Oze 11:12 ပူးပေါင်းရင်းမြစ်များ

Zenez 2:11

Premye larivyer ki ti apel Pisonn ti koul otour pei Havila, kot ti annan lor.

Zenez 32:28

I ti dir li, “Ou pou nepli apel Zakob, me Izrael, akoz ou'n lite kont Bondye e kont zonm, e ou'n ganny laviktwar.”

Psonm 78:36

Me zot ti tronp li avek zot labous. Zot lalang ti prodwir zis mansonz.

Ezai 29:13

La sa ki SENYER i deklare: Sa i parey ler sa pep i apros mwan avek son labous. I onor mwan avek zis son lalev, me son leker i lwen avek mwan; respe ki i annan pour mwan, i zis en komannman zonm ki i'n aprann.

Ezai 44:20

I nouri li lo sa ki reste zis lasann. Son lespri pe derezonnen i nepli kapab disernen. I nepli kapab dir dan li menm: Sa ki dan mon lanmen drwat, i zis en fo?

Oze 10:13

Ou'n senm lemal, ou'n rekolte krim e ou'n manz fri mansonz. Akoz ou'n kont lo ou prop lafors e lo ou gran larme,

Oze 12:1

Efraim i nouri lo divan, i tay deryer divan Les tou lazournen; i miltipliy mansonz ek vyolans. In fer en lalyans avek Asiri, e i fourni delwil doliv Lezip.

Oze 12:7

Parey bann Kananeen, Efraim i kontan servi fo balans, i kontan fer frod.

Oze 4:15

Izrael, ou'n tonm dan prostitisyon, pourvi ki Zida pa tonm dan menm fot. Pa bezwen al Gilgal, pa mont Bet-Aven, e pa pronons en serman pour dir: Par SENYER ki vivan.

Oze 4:2

I annan zis malediksyon, mansonz, krim, vol, adilter. Zot pas letan dan vyolans e fer krim enn apre lot.

Oze 7:16

Zot in tourn ver sa ki pa anmenn okenn profi. Zot parey en fles tord. Zot sef pou tonbe dan lager, akoz zot bann parol arogan; dan Lezip, zot pou ganny riye.

Oze 7:3

Zot mesanste i anmiz lerwa; zot bann trik i fer plezir bann sef.

Mise 6:12

Ou bann ris i ranpli avek vyolans. Ou bann zabitan, zot bann manter. Dan zot labous, i sorti zis parol tronpri.

1 Korentyen 6:2

Eski ou pa konnen ki pep Bondye ki pou ziz lemonn? Si lemonn pou ganny zize par zot, eski zot pa kapab ziz bann zafer mwen enportan?

Revelasyon 1:6

I'n fer nou vin en rwayonm pret pour servi Bondye son Papa. Laglwar, ek pouvwar i pour li pour touzour! Amenn.

Revelasyon 3:21

Sa enn ki ganny laviktwar, mon pou met li asiz avek mwan lo mon tronn, parey mwan mon'n ganny laviktwar e mon'n asiz avek mon Papa lo son tronn.

Revelasyon 5:10

Ou'n fer zot vin en rwayonm pret pour servi non Bondye, e zot pou rennyen lo later.