Oze 11:10 - Labib An Kreol Seselwa

¹⁰ Zot pou swiv SENYER ki pou kriye parey en lyon. Kan i kriye, son bann zanfan pou taye sorti dan Was an tranblan.

Oze 11:10 ပူးပေါင်းရင်းမြစ်များ

Liv Zob 37:1

Pour sa rezon, mon leker i tranble; i sote, i sorti dan son plas.

Psonm 119:120

Mon lekor i ganny frison akoz respe devan ou. Ou bann desizyon i fer mwan per.

Psonm 2:11

Servi SENYER avek respe. Rezoui dan limilite;

Ezai 11:11

Sa zour, SENYER pou lev son lanmen ankor en fwa pour li liber restan son pep; bann ki ti Asiri, Lezip, Patros, Kous, bann ki dan Elanm, Sinear, Hamat e bann ki reste lo bann zil lanmer.

Ezai 2:5

Desandan Zakob! Vini! Annou mars dan lalimyer SENYER! Larogans pou ganny detri.

Ezai 31:4

La sa ki SENYER ti dir mwan: Ler en lyon oubyen son piti i gronnyen pour gard sa zannimo ki i'n atrape; ler bann berze i vir kont li, i pa fatig li avek zot kriye, ni trakas li. La ki mannyer SENYER liniver pou desann, pour lager lo montanny Siyon e son kolin.

Ezai 42:13

SENYER i avanse parey en ero; parey en gerye, i montre son lakoler; i kriy for, i donn en lavertisman lager; i lans defi kont son bann lennmi.

Ezai 49:10

Zot pou nepli lafen, zot pou nepli swaf; ni divan so ni soley pa pou fer zot soufer, akoz zot gid pou sa enn ki annan konpasyon pour zot e ki pou kondwir zot kot i annan sours delo.

Ezai 64:2

Parey dife ki bril brousay, parey dife ki bwi delo, fer ou bann lennmi konnen ki ou ete; e bann nasyon ava tranble devan ou!

Ezai 66:2

Tou sa ki egziste, se mon lanmen ki'n fer; alor, tousala i pour mwan. Me mon pran pitye pour sa ki malere, sa ki dan dekourazman, sa ki annan gran respe pour mon parol. SENYER ki deklare.

Ezai 66:5

Ou ki annan respe pour parol SENYER, ekout sa ki i dir: Ou prop frer ki ay ou, ki'n rezet ou akoz mwan, in dir: SENYER i montre ou son laglwar, pour ki nou war zot lazwa. Me se zot ki ganny kouver avek laont.

Zeremi 2:2

al proklanm sa mesaz avek tou bann zabitan Zerizalenm. La sa ki SENYER i deklare: Mon rapel byen koman zot ti reste fidel anver mwan kan zot ti zenn; koman zot ti kontan mwan kan nou ti'n fek marye. Zot ti swiv mwan dan dezer, dan en pei kot zonm pa senmen.

Zeremi 25:30

Ou, Zeremi, al anons tou sa ki mon deklare. Ou ava dir bann pep: La sa ki SENYER liniver i deklare: Parey tapaz ki en lyon i fer, SENYER pou apel depi lao dan lesyel. I pou fer son lavwa tande dan son tanp sakre. Parey en zwazo ki atak en mouton, i pou kriy byen for kont son pep. I pou kriye parey ler zot pe kraz rezen, kont tou zabitan lo later.

Zeremi 31:9

Zot pou ariv an pleran; mon pou akonpanny zot e konsol zot; mon pou anmenn zot kot bann larivyer; mon pou fer zot mars lo en semen san danze, kot zot pa pou riske tonbe. Annefe, mon en papa pour Izrael, e Efraim i mon premye garson.

Zeremi 33:9

Alor, i ava en gran plezir pour mwan pronons sa non: Zerizalenm. Sa lavil pou fer mon loner e mon pou fyer devan tou bann pep lo later. Sak nasyon pou tranble avek lafreyer kan zot ava antann tou sa bann bon keksoz ki mon fer pour pep Zerizalenm e koman mon'n fer sa lavil prospere.

Zeremi 5:22

Mwan SENYER, mon demann ou: Akoz ou napa respe pour mon lotorite? Akoz ou pa tranble devan mwan? Mwan menm ki'n met disab koman en baryer pour lanmer. Sa baryer pou touzour la, e lanmer pa pou zanmen depas li. I kapab azite; sa pa pou servi nanryen. Pli gro laroul pa pou kapab depas li.

Zeremi 50:4

La sa ki SENYER i deklare: Dan sa bann zour, dan sa letan, bann zabitan Izrael ek bann zabitan Zida, pour retourn ansanm. Zot pou vin rod mwan an pleran, mwan, SENYER, zot Bondye.

Zeremi 7:6

Aret abiz lo febles bann etranze, bann orfelen, bann vev. Aret touy dimoun inosan dan sa pei. Aret tay deryer lezot bondye ki pou anmenn maler lo zot.

Zeremi 7:9

Zot vole, zot fer krim, zot komet adilter, zot fer fo serman, zot ofer sakrifis Baal, e zot ador bann bondye ki zot pa konnen.

Ezekyel 26:16

Tou bann lerwa dan rezyon lakot pou kit zot tronn. Zot pou kit zot rob ek zot lenz brode. Zot pou tranble avek gro lafreyer; zot pou asiz ater dan lafreyer e zemir lo ou sor.

Oze 3:5

Plitar, Izrael ava retourn ver SENYER, zot Bondye e David zot lerwa. An tranblan, zot ava tourn ver SENYER e ver son bonte dan lavenir.

Zoel 3:16

SENYER i kriye depi Siyon; i fer tande son lavwa depi Zerizalenm. Lesyel ek later i tranble. Me SENYER i en labri pour son pep, en proteksyon pour Izrael.

Amos 1:2

Amos ti dir: SENYER i kriye depi Siyon, e i fer antann son lavwa depi Zerizalenm. I annan dezolasyon dan laplenn. Latet montanny Karmel i sek.

Amos 3:4

Eski en lyon i kriye dan lafore si i pa ankor atrap nanryen pour manze? Eski en zenn lyon i gronnyen dan son trou si i pa'n atrap nanryen?

Amos 3:8

Kan en lyon i kriye, lekel ki pa pou per? Kan Senyer BONDYE in koze lekel ki oze pa anons son mesaz?

Mise 4:5

Si sak nasyon pe obei son bondye, nou, nou pou ador e obei nou SENYER, nou Bondye pour touzour e touzour.

Habakouk 3:16

Mon tande e mon tranble dan mwan menm; sa tapaz i fer mon lalev tranble; mon bann lezo pe pouri; mon lazanm i tranble. Dan silans, mon atann zour maler, pour fer fas avek sa pep ki vin atak nou.

Zakari 10:10

Mon pou fer zot sorti Lezip e retourn kot zot; mon pou rasanble zot depi Asiri. Mon pou fer zot vin dan pei Galaad ek Liban, ziska ki pou nepli annan okenn plas.

Zakari 10:12

Zot pou met zot lafors dan SENYER e zot pou mars anba son non. SENYER ki deklare.

Zakari 8:7

La sa ki SENYER liniver i deklare: Mon pou sov mon pep ki dan bann pei Les e dan bann pei Was.

Levanzil dapre Zan 8:12

Zezi ti dir zot ankor, “Mwan menm lalimyer lemonn. Sa enn ki swiv mwan pa pou mars dan fernwanr, me i pou ganny lalimyer lavi.”

Akt de Zapot 24:25

Me koman Pol ti konmans koz lo lazistis, kontrol lo ou prop lekor, e lo zizman ki devre arive, Feliks ti per. I ti dir li, “Ou kapab ale aprezan, kan mon ava annan letan, mon ava fer apel ou.”

Romen 8:1

Aprezan, i nepli annan okenn kondannasyon pour sa bann ki ini avek Zezi-Kri.

2 Pyer 2:10

I pou pini sirtou bann ki swiv zot bann dezir enpir e mepriz lotorite Bondye. Sa bann fo ansennyan, zot annan lodas ek larogans, san okenn respe, pour ensilte bann kreatir glorye ki dan lesyel.

Revelasyon 10:3

I ti kriye avek en lavwa for, parey kan en lyon i kriye. Kan i ti kriye, sa set loraz ti reponn.