Oze 10:6 - Labib An Kreol Seselwa

⁶ I pou ganny ofer avek lerwa Asiri koman en kado pour sa gran lerwa. Efraim pou dan laont. Izrael pou onte avek son bann proze.

Oze 10:6 ပူးပေါင်းရင်းမြစ်များ

2 Rwa 17:3

Salmanazar, lerwa Asiri, ti al atak li; Oze ti kapitile e pey li taks.

Liv Zob 18:7

Avan, i ti mars avek konfyans; aprezan i mars pti pa; son bann proze pou fer li tonbe.

Ezai 1:29

Alor, bann pye dibwa sakre ki zot ti adore pou fer zot onte; zot pou kanmi avek zot bann zarden sakre ki zot ti fer.

Ezai 30:3

Pour sa rezon, proteksyon Faraon pou vin en laont pour zot, e proteksyon anba lonbraz Lezip, zot limilyasyon.

Ezai 45:16

Tou bann artizan ki fabrik zidol, zot ganny kouver avek laont ek konfizyon. Zot tou, zot ale dan konfizyon.

Zeremi 48:13

Alor, parey pep Izrael ti kanmi akoz Betel, ki zot ti fer konfyans, bann zabitan Moab pou kanmi zot bondye Kemos.

Zeremi 7:24

Me zot pa'n ni obei, ni ekout mwan. Dan zot lantetman, zot in deside swiv sa ki zot move leker ti dir zot fer. Zot in elwanny zot ek mwan e zot in vir zot ledo kont mwan.

Ezekyel 16:28

Ou ti osi abandonn ou avek bann Asiriyen akoz ou pa ti'n ankor satisfer ou pasyon. Ou ti livre ou lekor avek zot, me la ankor ou pa ti satisfe.

Ezekyel 36:31

Alor, zot ava rapel zot bann move lavi ek zot bann aksyon ki fer onte. Zot pou kanmi pour zot bann fot ek bann aksyon degoutan ki zot in komet.

Danyel 11:8

I pou menm anmenn Lezip tou zot bann bondye, zot bann stati an metal ek bann lobze valer annarzan e annor, koman piyaz lager. Pandan en pe lannen, i pou evite atak lerwa Nor.

Oze 4:19

Zot pou anvole dan divan. Zot pou onte avek zot bann sakrifis.

Oze 4:7

Pli zot in ogmante, pli zot pese kont mwan in ogmante. Mon pou fer zot laglwar vin laont.

Oze 5:13

Efraim i rekonnet son maladi, e Zida son bann blesir. Alor, Efraim in al ver Asiri e anvoy mesaze kot lerwa Yareb. Me sa lerwa pa pou kapab geri li, ni pran ka son bann boubou.

Oze 8:6

Sa zenn bef i sorti kot Izrael, en artizan ki'n fer li. I pa Bondye. Sa zenn bef Samari, pou ganny kas an morso.

Mise 6:16

Ou'n gard bann lalwa Omri, e tou bann pratik lafanmir Akab; ou'n swiv tou zot konsey. Alor, mon pou detri ou lavil; dimoun pou monk bann zabitan e ou pou tonm dan laont.