Oze 10:4 - Labib An Kreol Seselwa

⁴ Zot zis koze e fer bann fo serman ek bann promes vid. Zot bann zizman i file koman en plant anvaisan dan bann fose plantasyon.

Oze 10:4 ပူးပေါင်းရင်းမြစ်များ

Ezai 5:7

Plantasyon rezen SENYER liniver se pep Izrael; Sa plan rezen ki i ti telman kontan, se pep Zida. SENYER ti pe esper ladrwatir sorti ladan, me ti annan zis versman disan. I ti pe esper lazistis, me i ti antann zis bann malere kriye.

Oze 4:2

I annan zis malediksyon, mansonz, krim, vol, adilter. Zot pas letan dan vyolans e fer krim enn apre lot.

Oze 6:7

Parey zot ti fer dan pei Adan, zot pa'n respekte mon lalyans; zot pa'n reste fidel anver mwan.

Amos 5:7

Pour zot, lalwa i anmer e zot trenn lazistis dan labou.

Amos 6:12

Eski en seval i galope lo ros? Eski en dimoun i kiltiv lanmer avek son bef? Zot in sanz ladrwatir pour fer li vin en pwazon e fer lazistis vin en keksoz anmer.

Akt de Zapot 8:23

Mon war ki ou ranpli avek lanmertim e ki ou'n vin prizonnyen ou pese.”

Romen 1:31

Zot napa disernman, zot pa tenir zot promes. Zot leker i dir e san pitye anver kanmarad.

Deterononm 29:18

I pa sipoze annan parmi zot en zonm, en fanm, en fanmir, en tribi, ki son leker in detourn kont SENYER, nou Bondye, pour al servi bann bondye sa bann nasyon. I pa devre annan parmi zot, rasin en plant ki prodwir en pwazon anmer.

Deterononm 31:16

SENYER ti dir Moiz: Byento ou pe al rezwenn ou bann zanset e sa pep pou tonm dan prostitisyon avek bann bondye etranze ki dan sa pei kot zot pe ale. Zot pou abandonn mwan e kas mon lalyans ki mon ti fer avek zot.

Deterononm 31:17

Kan sa i arive, mon lakoler pou monte kont zot. Mon pou abandonn zot e tourn mon ledo avek zot. Zot ava ganny devore e en kantite maler terib pou tonm lo zot. Sa zour, zot ava dir: Sa bann maler in tonm lo nou akoz nou Bondye i pa parmi nou.

2 Timote 3:3

Zot pou annan leker dir, san pitye, kalonmnye zot prosen, vyolan, kriyel, lennmi tou sa ki byen.

Ebre 12:15

Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.