Oze 10:14 - Labib An Kreol Seselwa

¹⁴ alor, pou annan dega lager parmi ou pep, e tou ou bann fortres pou ganny detri parey Salmann ti detri Bet-Arbel, e bann manman ti ganny kraze avek zot bann zanfan.

Oze 10:14 ပူးပေါင်းရင်းမြစ်များ

Zenez 32:11

Delivre mwan, mon sipliy ou, dan lanmen mon frer Ezai, akoz mon per li. Mon per ki vin atak mwan, e touy bann manman avek zot zanfan.

2 Rwa 17:16

Zot ti'n abandonn tou bann komannman SENYER, zot Bondye. Zot ti'n fabrik de pti toro an metal; zot ti fer bann poto sakre, dor bann zetwal dan lesyel; zot ti osi ador Baal.

2 Rwa 17:3

Salmanazar, lerwa Asiri, ti al atak li; Oze ti kapitile e pey li taks.

2 Rwa 18:33

Eski okenn bondye lezot nasyon in deza delivre en pei dan lanmen lerwa Asiri?

Ezai 17:3

Tou bann miray proteksyon otour Efraim pou ganny detri. Damas pou nepli en rwayonm e bann restan Siriyen pou pas parey laglwar bann zanfan Izrael. SENYER liniver ki deklare.

Ezai 33:14

Dan Siyon, bann ki koupab i dan lafreyer. Bann ki napa respe pour Bondye pe tranble: Lekel parmi nou ki kapab reste obor en dife ki devore? Lekel parmi nou ki kapab reste pre avek laflanm eternel?

Zeremi 13:14

Mon pou bat zot latet ansanm, papa kont zanfan, SENYER i deklare. Personn pa pou ganny eparnyen. Mon pa pou annan okenn bonte, okenn pitye, okenn konpasyon. Personn pa pou anpes mwan detri zot.

Zeremi 48:41

Bann lavil pou ganny kaptire; bann plas byen proteze pou ganny kaptire. Sa zour, bann gerye Moab pou per parey en fanm ki dan douler lanfantman.

Oze 10:15

Sanmenm ki pou arive avek ou Betel, akoz ou bann gran krim: De ki lizour i fer, lerwa Izrael pou ganny detri.

Oze 13:16

Samari pou pey konsekans son krim, akoz in revolte kont Bondye. Zot pou ganny masakre; pti baba pou ganny kraze; fanm ansent pou ganny ouver vant.

Amos 3:14

Zour mon pou pini pep Izrael pour son bann krim, mon pou detri tou bann lotel ki dan Betel. Tou bann kwen lotel pou ganny kase e pou tonm ater.

Amos 3:8

Kan en lyon i kriye, lekel ki pa pou per? Kan Senyer BONDYE in koze lekel ki oze pa anons son mesaz?

Amos 9:5

Senyer, BONDYE liniver i tous later e later i fonn. Tou bann zabitan later i met dey. Later i monte e i desann parey larivyer Nil dan Lezip.

Mise 5:11

Mon pou detri tou lavil dan ou pei e demoli ou bann fortres.

Nahoum 3:10

Malgre sa, zabitan Teb ti ganny anvoye annegzil. Son bann zanfan ti ganny kraze an pti morso dan tou bann kwen semen. Zot ti tir osor pour bann dimoun enportan; bann sef ti ganny ansennen.

Nahoum 3:12

Tou ou bann fortifikasyon i parey fig mir ki bon pou manze. De ki ou sekwe son pye, bann fri pou tonm dan labous sa enn ki oule manz zot.

Habakouk 1:10

Zot napa respe pour bann lerwa. Zot mepriz bann sef. Zot tanpi bann fortifikasyon. Zot met en lateras later kont bann miray ki zot pran.