Oze 10:10 - Labib An Kreol Seselwa

¹⁰ Mon pou pini zot akoz zot atase avek zot krim. Bann nasyon pou met zot ansanm kont zot.

Oze 10:10 ပူးပေါင်းရင်းမြစ်များ

1 Rwa 12:28

Apre ki lerwa ti'n pran konsey, i ti fer stati de zenn bef annor. I ti dir lepep, “Zot in ase mont Zerizalenm. Pep Izrael! La zot bondye ki'n fer zot sorti Lezip.”

Liv Zob 39:10

Eski ou kapab anmar li avek en lakord pour li kas later, oubyen swiv ou dan vale pour defris li?

Ezai 1:24

La sa ki SENYER Bondye liniver, BONDYE Toupwisan Izrael i deklare: Maler! Mon pou revanz lo mon bann lennmi. Mon pou tourn kont mon bann ladverser.

Zeremi 15:6

Ou'n rezet mwan, SENYER i deklare. Ou'n vir ou ledo avek mwan. Alor, mon pran aksyon pour mwan pini ou, akoz mon fatige pran konpasyon anver ou.

Zeremi 16:16

La sa ki SENYER i deklare: Mon pe anvoy en kantite peser ki pou lepidemi zot. Apre sa, mon pou anvoy en kantite saser ki pou debiste zot dan montanny, dan kolin e dan bann kap ros.

Zeremi 21:4

Al dir Sedesyas: La sa ki SENYER, Bondye Izrael, i deklare: Ou pe fer lager kont larme lerwa Babilonn ki'n anserkle ou lavil. Mon pou detourn kont ou, tou bann zarm ki ou pe servi kont lerwa Babilonn. Mon pou fors bann gerye ki pe anserkle ou pour retourn dan lavil.

Ezekyel 16:37

mon pou rasanble tou ou bann galan avek ki ou'n ganny plezir, bann ki ou'n kontan ek bann ki ou pa'n kontan. Mon pou rasanble zot kont ou, sorti tou kote. Mon pou tir ou, touni devan zot e zot ava war ou touni.

Ezekyel 16:42

Kan mon ava'n satisfer mon lakoler kont ou, mon zalouzi ava arete e mon ava repran mon kalm; mon lakoler ava tonbe.

Ezekyel 23:46

La sa ki Senyer BONDYE i deklare: Rasanble lepep kont zot; fer zot tranble; depouy zot avek tou sa ki zot posede.

Ezekyel 23:9

Alor, mon ti abandonn li avek son bann galan Asiriyen, avek ki i ti'n tonm anmoure.

Ezekyel 5:13

Mon pou les mon lakoler azir e vanze kont zot, ziska ki mon ganny satisfaksyon. Kan mon lakoler ava'n fini avek zot, zot ava konnen ki mwan SENYER ki'n koze; mon zalou.

Oze 10:9

Izrael! Depi zafer Gibea, ou'n fer pese e ou pe kontinyen. Alor, pa i normal ki lager pou ariv ziska Gibea?

Oze 4:19

Zot pou anvole dan divan. Zot pou onte avek zot bann sakrifis.

Oze 4:9

Mon pou tret lepep ek bann pret parey. Mon pou fer zot rann kont pour zot konportman. Mon pou fer zot peye pour zot aksyon.

Oze 8:1

Met ou tronpet avek ou labous! Maler, parey en leg, in tonm lo lakaz SENYER, akoz zot in kas mon lalyans e zot in revolte kont mon lalwa.

Oze 8:10

Kanmenm zot in pey bann nasyon, mon pou rasanble zot. Zot pou soufer anba fardo zot bann lerwa ek zot bann sef.

Matye 22:7

Alor, lerwa ti ankoler. I ti anvoy son larme touy sa bann kriminel e met dife dan zot lavil.

Deterononm 28:63

SENYER ti kontan fer ou prospere e vin nonbre. Li menm SENYER pou kontan anmenn ou dan larin ek destriksyon; ou pou ganny derasinen dan sa pei ki ou pe al pran posesyon.