Oze 10:1 - Labib An Kreol Seselwa

¹ Izrael ti parey en pye rezen ki ti prodwi bokou fri. Pli i ti prospere, pli i'n ogmant bann lotel zidol. Pli son pei i zoli, pli i'n anbeli bann ros sakre.

Oze 10:1 ပူးပေါင်းရင်းမြစ်များ

1 Rwa 14:23

Zot osi, zot ti etabli bann landrwa sakre avek bann ros pilye ek poto sakre lo sak montanny e anba sak pye dibwa avek feyaz.

Zeremi 11:13

Dan Zida, sak lavil i annan son prop bondye; bann zabitan Zerizalenm in konstri dan sak semen dan lavil en lotel kot zot ofer sakrifis an loner Baal.

Zeremi 11:17

Mwan, SENYER liniver ki ti plant Izrael ek Zida, mon deklare ki zot pou ganny detri. Sa i zot prop lafot, akoz zot in fer sa ki mal; zot in fer mon lakoler monte kan zot ti al ofer sakrifis an loner Baal.

Zeremi 2:28

Me oli ou bann bondye ki ou'n fabrike pour ou menm? Izrael! Ou ki annan otan bondye ki i annan lavil dan Zida, kan ou dan maler, dir zot vin sov ou si zot kapab.

Oze 12:11

Galaad in komet pese e i pou disparet. Dan Gilgal, zot ofer sakrifis toro, me son bann lotel i zis en ta ros dan transe plantasyon.

Oze 12:8

Efraim i dir: Mon ris, mon'n fer en fortin. Me mon pa'n fer nanryen mal; mon pa'n fer okenn fot ki en pese.

Oze 13:15

Menm si i pous byen parey move zerb, divan Les pe vini, SENYER pou anvoy li sorti dan dezer. Tou son sours delo, tou son pwi pou sek. Ou pou ganny depouye avek tou ou bann trezor.

Oze 13:2

Aprezan i kontinyen fer pese e fer stati an metal, avek zot larzan; avek zot lar, zot ti fabrik bann zidol. Zot ti dir: Ofer sakrifis devan zot! Bann imen ti pe anbras bann zenn toro.

Oze 13:6

Mon ti nouri zot, e zot ti rasazye; zot leker ti fyer e zot ti oubliy mwan.

Oze 2:10

Aprezan, mon pou tir li touni devan son bann galan. Personn pa pou delivre li dan mon lanmen.

Oze 2:8

I pa ti'n konpran sa: Mwan ki ti pe donn li dible, diven ek delwil. Mon ti donn li larzan ek lor, me i ti servi pour ofer Baal.

Oze 3:4

Pep Izrael pou reste lontan san en lerwa, san sef, san sakrifis, san ros sakre, ni rob pret, ni pti stati.

Oze 4:7

Pli zot in ogmante, pli zot pese kont mwan in ogmante. Mon pou fer zot laglwar vin laont.

Oze 8:11

Efraim in ogmant son bann lotel pour pardon pese, zot vin lokazyon pour fer plis pese.

Oze 8:4

Zot swazir zot lerwa, me san mon lakor. Zot etabli bann sef, me san fer mwan konnen. Zot fabrik zot zidol avek zot larzan ek zot lor, me in anmenn zot destriksyon.

Levitik 26:1

Zot pa pou fer okenn fo bondye, ni fabrik okenn stati, ni okenn pilye ros sakre. Zot pa pou fer okenn stati taye dan zot pei pour zot prostern devan zot. Mwan menm SENYER, zot Bondye.

Nahoum 2:2

SENYER pou retabli laglwar desandan Zakob ensi ki grander Izrael, malgre bann bandi ti'n deza fini depouy li.

2 Korentyen 5:16

Alor, dezormen, nou nepli konn personn lo kote imen. Si otrefwa, nou'n konn Kris dapre lespri imen, aprezan, nou nepli konn li konmsa.

Filipyen 2:21

Tou lezot i rod zot prop lentere e pa lakoz Zezi-Kri.