Oze 1:7 - Labib An Kreol Seselwa

⁷ Me mon pou kontan pep Zida. Mwan SENYER zot Bondye, mon pou sov zot san servi fles, ni lepe, ni lager, ni bann seval oubyen kavalye.

Oze 1:7 ပူးပေါင်းရင်းမြစ်များ

2 Rwa 19:29

La siny ki mon donn ou: Sa lannen ou pou manz sa ki'n pous tousel; dan dezyenm lannen, sa ki pouse sorti dan lagrenn ki'n tonbe; dan trwazyenm lannen ou ava senmen, rekolte, plant rezen e manz son fri.

2 Rwa 19:34

Mon pou defann sa lavil pour mwan sov li, pour mon prop loner, e akoz mon serviter David.

2 Rwa 19:35

Sa menm swar, lanz SENYER ti sorti e touy 185,000 zonm dan kan bann Asiriyen. Ler lizour ti fer, ti annan zis dimoun mor.

2 Rwa 6:18

Kan bann Siriyen ti arive, Elize ti priy SENYER. I ti dir, “Mon sipliy ou, fer tou sa bann zans vin aveg.” Parey Elize ti'n demande, zot tou, zot ti vin aveg.

Psonm 33:16

En lerwa pa ganny sove akoz i annan en larme pwisan. En solda pa ganny delivre par grander son lafors.

Psonm 44:7

Ou ki'n sov nou kont nou bann lennmi. Ou'n fer dimoun ki imilye nou perdi zot loner.

Egzod 14:13

Moiz ti dir pep Izrael, “Pa per! Reste debout e regarde ki mannyer SENYER pou sov zot ozordi. Sa bann Ezipsyen ki zot war ozordi pou disparet.

Egzod 14:30

Sa zour, SENYER ti sov pep Izrael dan lanmen bann Ezipsyen. Izrael ti war bann Ezipsyen mor lo bor lanmer.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Ezai 30:18

Pourtan, SENYER pe espere pour li montre ou son labonte. I pou monte pou montre ou son konpasyon. Akoz SENYER i en Bondye zis. Byennere tou dimoun ki met lespwar dan li!

Ezai 49:6

I ti deklare: Mon'n swazir ou koman mon serviter zis pour relev bann tribi Zakob e ranmenn leres Izrael ver mwan. Mon pou fer ou vin en lalimyer bann nasyon, pour ki tou zabitan later antye ava ganny sove par mwan.

Ezai 7:14

Alor, SENYER li menm pou donn zot en siny: En zenn fiy i ansent e i pou met omonn en garson. I pou apel li Emanouel. Savedir: Bondye avek nou.

Zeremi 25:5

I ti dir zot: Sanz zot mannyer viv e aret fer sa ki mal; konmsa, zot ava kontinyen viv dan sa pei ki SENYER in donn zot ek zot bann zanset depi touzour e pour touzour.

Zeremi 25:6

Pa ador e servi lezot bondye e pa fer mwan ankoler avek bann stati ki zot in fabrike. Si zot ti'n obei SENYER, i pa ti pou pini zot.

Zeremi 33:26

alor, mon ti ava'n kapab rezet desandans Zakob ek David mon serviter. Mon ti ava'n kapab rezet desandans Zakob ek mon serviter David e aret pran dan son desandans sa bann ki pou gouvern desandans Abrahanm, Izaak ek Zakob. Me mon pou annan pitye pour zot e mon pou fer zot prospere parey avan.

Oze 1:8

Gomer ti sevre Lo-Rouama; i ti ansent ankor e ganny ankor en garson.

Oze 11:12

Efraim in antour mwan avek mansonz. Izrael in anvlop mwan dan son bann tronpri; me Zida i reste fidel e i mars avek Bondye sen.

Zakari 4:6

I ti dir mwan, “La parol SENYER pour Zorobabel: Pa par pwisans, ni par lafors, me par mon lespri, SENYER liniver ki deklare.

1 Samyel 17:47

Konmsa, tou dimoun isi ava konnen ki SENYER pa sov ni par lepe, ni par lans; akoz lager i pour SENYER. Li menm ki'n livre ou dan nou lanmen.”