Oze 1:2 - Labib An Kreol Seselwa

² La ki mannyer SENYER ti konmans koz avek pep Izrael atraver Oze. I ti dir Oze: Al marye avek en fanm prostitye, e ou zanfan ava ne dan prostitisyon. Pep sa pei in tonm dan prostitisyon, akoz zot in abandonn SENYER.

Oze 1:2 ပူးပေါင်းရင်းမြစ်များ

2 Kronik 21:13

me ou'n prefere fer parey bann lerwa Izrael; akoz ou'n ankouraz bann zabitan Zerizalenm ek Zida tonm dan prostitisyon parey Akab ti fer avek Izrael; akoz ou'n touy ou bann frer, bann garson ou papa ki ti menm meyer ki ou,

Psonm 106:39

Par sa bann aksyon, zot ti'n vin enpir e zot ti vin bann prostitye par zot mannyer fer.

Psonm 73:27

Annefe, dimoun ki lwen avek ou pou disparet; ou detri sa bann ki abandonn ou.

Zeremi 2:13

Wi! Mon pep in komet de pese: In abandonn mwan, sa sours delo fre, pour al fouy bann pwi ki annan trou e pa gard delo.

Zeremi 2:20

La sa ki SENYER liniver i deklare: Izrael! Depi lontan ou pe revolte kont mwan. Ou'n refize obei mwan, ou'n refize ador mwan. Alor, lo nenport montanny e anba tou pye dibwa avek ver, ou'n donn ou lekor koman prostitye.

Zeremi 2:23

Koman ou kapab oze dir: Mon pa'n fer nanryen ki kapab rann mwan enpir; mon pa'n zanmen ador bann Baal? Gete koman ou'n konport ou dan vale; gete ki ou'n fer. Ou parey en zenn femel samo an sezon ki pe tay taye.

Zeremi 3:9

I'n komet adilter avek ros ek pye dibwa, in sali son lekor; in osi sali son pei.

Ezekyel 6:9

Bann sirvivan ava mazin mwan parmi bann nasyon kot zot pou viv koman bann egzile. Zot ava rapel ki mannyer mon'n detri zot, avek zot leker enfidel ki'n abandonn mwan e zot lizye ki'n reste fikse lo sa bann zidol. Zot pou ganny repinyans pour zot prop lekor, akoz bann aksyon degoutan ki zot in komet.

Oze 2:7

I pou tay deryer son bann galan, me i pa pou zwenn zot. I pou rod zot, me i pa pou trouv zot. Alor, i ava dir: Mon pou retourn kot mon premye mari. Otrefwa, mon ti pli ere ki ozordi.

Oze 3:1

SENYER ti dir mwan ankor: Ale e kontan ankor en fanm adilter ki annan en galan. Kontan li parey SENYER i kontan pep Izrael, menm si zot al ver lezot Bondye e zot kontan pake rezen.

Oze 5:3

Mon konn Efraim, e Izrael pa en sekre pour mwan. Efraim in tonm dan prostitisyon, e aprezan, Izrael antye in vin enpir.

Mark 1:1

La Bonn Nouvel Zezi-Kri, Garson Bondye.

Deterononm 31:16

SENYER ti dir Moiz: Byento ou pe al rezwenn ou bann zanset e sa pep pou tonm dan prostitisyon avek bann bondye etranze ki dan sa pei kot zot pe ale. Zot pou abandonn mwan e kas mon lalyans ki mon ti fer avek zot.

2 Pyer 2:14

Zot regar i ranpli avek dezir pour komet adilter; zot pa zanmen komet ase pese. Zot atir bann ki feb dan zot pyez. Zot leker in byen antrennen dan dezir pour ganny larzan. Zot in ganny malediksyon!

Revelasyon 17:5

Lo son fron ti'n ekri en non sekre: Gran Babilonn, manman tou bann prostitye ek tou bann aksyon degoutan lo later.