Nonm 9:22 - Labib An Kreol Seselwa

²² Si nyaz ti reste pour de zour, en mwan, ou menm pli lontan par lao Latant, bann Izraelit ti reste kanpe e zot pa ti bouze. Me kan nyaz ti leve, zot ti deplas avek li.

Nonm 9:22 ပူးပေါင်းရင်းမြစ်များ

Psonm 107:7

I ti gid zot lo en semen ki ti anmenn zot direk dan en lavil abite.

Psonm 143:10

Ansenny mwan pour fer ou lavolonte, akoz ou mon Bondye. Par ou bon lespri, kondwir mwan lo en semen kot napa danze.

Psonm 32:8

Mon pou ansenny ou. Mon pou montre ou ki semen ou pou swiv. Mon pou konsey ou; mon lizye pa pou kit ou.

Psonm 48:14

ki sa Bondye i nou Bondye pour touzour; i pou gid nou pour touzour.

Psonm 73:24

Ou kondwir mwan par ou bann konsey; apre, ou ava akey mwan dan laglwar.

Psonm 77:20

Par lanmen Moiz ek Aaron, ou'n gid ou pep parey en troupo.

Egzod 39:42

Bann Izraelit ti fer tou sa travay egzakteman parey SENYER ti'n ordonn Moiz.

Egzod 40:16

Moiz ti fer egzakteman tou sa ki SENYER ti'n ordonn li.

Nonm 1:54

Bann Izraelit ti fer tou parey SENYER ti'n ordonn Moiz.

Nonm 8:20

Moiz, Aaron ek kominote Izrael ti fer tousala an faver bann levit. Pep Izrael ti fer egzakteman sa ki SENYER ti'n dir Moiz lo size bann levit.

Nonm 9:17

Sak fwa ki nyaz ti leve par lao Latant, pep Izrael ti deplase dan landrwa kot nyaz ti diriz zot. La kot sa nyaz ti arete, bann Izraelit ti kanpe.

Nonm 9:21

Parfwa nyaz ti reste zis en lannwit ziska bomaten. Alor, kan nyaz ti leve bomaten, zot osi zot ti deplase. Kan nyaz ti reste en lazournen ek en lannwit e ler i ti leve, zot osi zot ti leve e deplase.

Akt de Zapot 1:4

En zour, pandan ki i ti pe manz avek zot, i ti donn zot sa lord: Pa kit Zerizalenm, me esper sa kado ki mon Papa in promet, parey mon'n deza dir zot.