Nonm 8:17 - Labib An Kreol Seselwa

¹⁷ Annefe, tou bann lene dan Izrael i pour mwan, swa parmi zonm, swa parmi zannimo. Zour ki mon ti frap tou bann lene dan pei Lezip, mon ti konsakre zot pour mwan.

Nonm 8:17 ပူးပေါင်းရင်းမြစ်များ

Psonm 105:36

I ti donn lord touy tou bann premye zanfan dan Lezip, fri zot premye semans.

Psonm 135:8

Dan Lezip, i ti touy tou bann premye ne, dimoun koman zannimo.

Psonm 78:51

I ti touy tou bann zanfan premye ne dan Lezip ki sorti dan premye fri lafors Kanm.

Egzod 12:29

Minwi, SENYER ti touy tou bann premye ne dan Lezip, depi premye ne Faraon ki asiz lo son tronn, ziska premye ne sa prizonnyen dan son kaso, e premye ne bann zannimo.

Egzod 13:2

“Konsakre tou bann premye ne pour mwan. Imen koman zannimo parmi bann Izraelit i pour mwan.”

Egzod 29:44

Mon pou konsakre Latant Rankont ek lotel. Mon pou konsakre Aaron ek son bann garson pour zot servi mwan koman pret.

Ezekyel 20:12

Mon ti osi donn zot mon bann saba koman en siny ant mwan ek zot, pour ki zot konnen ki mwan SENYER ki rann zot sen.

Levitik 27:26

Personn pa pou konsakre premye zannimo ki ne parmi son troupo, akoz koman en zannimo premye ne, i deza pour SENYER: Bef oubyen mouton, zot pour SENYER.

Nonm 3:13

Annefe, tou bann lene i pour mwan. Depi zour ki mon ti touy tou bann lene dan pei Lezip, mon ti konsakre tou bann lene dan Izrael. Zonm koman zannimo, zot pour mwan. Mwan menm SENYER.

Nonm 8:18

Mon'n pran bann levit dan plas tou bann lene parmi pep Izrael.

Levanzil dapre Lik 2:23

Annefe, parey in ekri dan Lalwa Senyer: Tou Garson premye ne, pou ganny konsakre pour Senyer.

Levanzil dapre Zan 10:36

Alor, ki mannyer zot kapab dir avek sa enn ki Bondye in swazir, e ki i'n anvoy dan lemonn, ki i pe koz parol blasfenm, zis akoz mon ti dir ki mwan Garson Bondye?

Levanzil dapre Zan 17:19

Pour zot, mon konsakre ou mon lekor, pour ki zot osi, zot ava vreman ganny konsakre dan laverite.

Ebre 10:29

Alor, mazinen ki pou arive, avek sa enn ki mepriz Garson Bondye, ki konsider disan lalyans Bondye ki'n pirifye li, koman en keksoz san valer, e ki ensilte Lespri ki donn lagras! Pinisyon ki i merite pou sertennman pli sever.

Ebre 11:28

Par lafwa, i ti selebre Pak e donn lord pour asperz disan lo laport bann lakaz, pour ki lanz ki donn lanmor, pa touy bann premye ne parmi pep Izrael.

Let Zak 1:18

Par son prop volonte, i'n donn nou lavi par sa Parol ki laverite. Konmsa, nou ava vin koman bann premye fri son bann kreatir.