Nonm 8:12 - Labib An Kreol Seselwa

¹² Bann levit ava poz zot lanmen lo latet bann toro. Apre, zot ava ofer enn sa bann toro pour sakrifis pese e en lot pour sakrifis konplet, pour zot ganny pardon zot pese.

Nonm 8:12 ပူးပေါင်းရင်းမြစ်များ

Egzod 29:10

Ou ava fer anmenn sa toro devan Latant Rankont. Aaron ek son bann garson ava poz zot lanmen lo latet sa toro.

Levitik 1:4

I ava poz son lanmen lo latet sa zannimo. Sa zannimo ava ganny aksepte dan son faver koman en lofrann pour pardon son pese.

Levitik 14:22

I ava osi pran de tourtrel ek de pizon, dapre son mwayen; enn pour sakrifis pardon pese, lot pour sakrifis konplet.

Levitik 16:11

Aaron ava prezant sa toro pour sakrifis pardon pour son prop pese e i ava fer rityel pardon pese pour li menm e pour son fanmir. I ava egorz sa toro koman sakrifis pour pardon son prop pese.

Levitik 16:21

Aaron ava poz son de lanmen lo latet sa bouk vivan e transfer tou fot pep Izrael lo li, tou zot krim ek tou zot pese. I ava transmet tou lo latet sa bouk ki i ava anvoy dan dezer avek en zonm ki'n ganny swazir pour sa travay.

Levitik 16:6

Aaron ava ofer sa toro pour sakrifis pardon son prop pese, e i ava fer rityel pardon pese pour li menm e pour son fanmir.

Levitik 4:15

Bann ansyen dan kominote ava poz lanmen lo latet sa toro ki ava ganny egorze devan SENYER.

Levitik 4:20

I ava fer egzakteman parey i ti fer pour toro ki ti ganny ofer pour sakrifis pardon pese. Pret ava fer rityel pardon pese pour zot e zot ava ganny pardonnen.

Levitik 4:35

I ava retir tou lagres, parey i tir lagres mouton dan sakrifis lape. Pret ava bril li lo lotel, avek lezot sakrifis brile pour SENYER. I ava ofer sa sakrifis pour li ganny pardon pese ki i'n komet, e i ava ganny pardonnen.

Levitik 4:4

I ava anmenn sa toro dan lantre Latant Rankont devan SENYER; i ava poz son lanmen lo latet sa toro e egorz li devan SENYER.

Levitik 5:7

Me si i pa kapab ganny en mouton koman sakrifis pour pardon pese ki i'n komet, alor, i ava anmenn devan SENYER, de tourtrel oubyen de pizon. Enn koman sakrifis pour pardon pese, lot koman sakrifis konplet.

Levitik 8:14

Apre, Moiz ti fer anmenn sa toro pour sakrifis pardon pese. Aaron ek son bann garson ti poz lanmen lo latet sa toro pour sakrifis pardon pese.

Levitik 8:15

Moiz ti egorz sa toro. I ti pran disan e avek son ledwa, i ti pas lo sak korn lotel, e pirifye lotel. Apre, i ti vers disan ater devan lotel e konsakre lotel. Konmsa ki i ti konsakre lotel pour fer rityel pardon lo la.

Levitik 8:18

Apre, i ti prezant sa mouton mal pour sakrifis konplet. Aaron ek son bann garson ti poz zot lanmen lo latet sa mouton.

Levitik 8:34

SENYER in ordonn tou sa bann rityel pour pardon ou bann pese.

Levitik 9:7

Apre, Moiz ti dir Aaron, “Avans devan kot lotel, e ofer ou sakrifis pour pardon pese, ek sakrifis konplet e fer rityel pour pardon ou prop pese e pour pese lepep. Apre, ofer sakrifis pour lepep e fer rityel pour pardon zot pese, parey SENYER in ordonnen.”

Nonm 6:14

I ava ofer SENYER son don: En zenn mouton mal enn an, san defo koman en sakrifis konplet; en zenn femel mouton aze enn an san defo pour en sakrifis pese e en mouton mal adilt san defo, koman en sakrifis lape.

Nonm 6:16

Pret ava prezant sa bann lofrann devan SENYER e ofer sakrifis pardon pese e sakrifis konplet.

Nonm 8:13

Plas sa bann levit debout devan Aaron e devan son bann garson. Prezant zot koman en lofrann pour SENYER.

Nonm 8:8

Answit, zot ava pran en toro avek lofrann vezetal petri dan delwil. Pran en dezyenm toro pour sakrifis pese.

Ebre 9:22

Annefe, dapre Lalwa, preski tou keksoz i ganny pirifye avek disan, e san versman disan, napa pardon pese.