Nonm 8:11 - Labib An Kreol Seselwa

¹¹ Aaron ava prezant bann levit devan SENYER parey i prezant lofrann bann Izraelit. Zot ava ganny met apar pour fer servis dan tanp SENYER.

Nonm 8:11 ပူးပေါင်းရင်းမြစ်များ

Egzod 29:24

Ou ava met tousala dan lanmen Aaron e dan lanmen son bann garson. Ou ava ofer li koman en lofrann devan SENYER.

Levitik 7:30

Li menm, ava anmenn lagres sakrifis brile devan SENYER: Lagres avek pwatrin sa zannimo, ki i ava ofer dan en seremoni prezantasyon devan SENYER.

Levitik 7:34

Dan bann sakrifis lape ofer par pep Izrael, mon'n rezerv pwatrin ki'n ganny garde pour rityel prezantasyon ek porsyon kwis ki'n ganny met de kote. Mon donn pret Aaron pour touzour sa par ki mon'n tire lo par ki vin pour bann Izraelit.

Levitik 8:27

Moiz ti plas tousala dan lanmen Aaron e dan lanmen son bann garson. I ti fer zot fer rityel lofrann devan SENYER.

Levitik 8:29

Moiz ti pran morso pwatrin sa mouton pour fer rityel prezantasyon lofrann devan SENYER. Sa ti porsyon pour Moiz, parey SENYER ti'n ordonn li.

Nonm 6:20

Pret ava prezant sa avek bann rityel devan SENYER. Sa i bann keksoz sen ki pour sa pret, ansanm avek lestoma ek kwis ki ganny prezante. Apre, sa Nazireen ava kapab bwar diven ankor.

Deterononm 10:8

Dan sa letan, SENYER ti swazir tribi Levi pour anmenn Kof Lalyans SENYER, e prezant devan SENYER pour servi li e pronons bann benediksyon an son non.