Nonm 6:5 - Labib An Kreol Seselwa

⁵ Pandan tou letan son ve, i pa devre raz son latet ziska ler son letan konsekrasyon avek SENYER i terminen. I pou en dimoun sen, e i ava les son seve pouse.

Nonm 6:5 ပူးပေါင်းရင်းမြစ်များ

Ezekyel 44:20

Zot pa devre raz latet, ni les zot seve long; zot ava tay li e gard li byen annord.

Nonm 6:4

Pandan tou letan son ve, i pa devre manz okenn prodwi ki'n fer avek rezen, pa menm son lagrenn ni son lapo.

Akt de Zapot 18:18

Pol ti reste ankor ase lontan Korent. Apre, i ti kit bann frer pour anbark avek Akila ek Prisil pour al Siri. Letan i ti Sankre, Pol ti raz son latet akoz i ti'n fer en ve.

Ziz 13:5

Annefe, ou pou tonm ansent e ganny en garson. Razwar pa pou pas lo son latet, akoz sa garson pou ganny konsakre pour Bondye depi dan vant son manman. I pou delivre Izrael dan lanmen bann Filisten.”

Ziz 16:17

I ti ouver son leker avek li, “Razwar pa'n zanmen pas lo mon latet, akoz mon'n ganny konsakre pour Bondye depi dan vant mon manman. Si mon ti raz mon latet, mon ti pou perdi mon lafors e vin feb parey tou dimoun.”

Ziz 16:19

I ti fer dormi Sanmson lo son zenou. Apre, i ti apel en zonm ki ti raz sa set latres seve. Alor, i ti afebli. I ti perdi son lafors.

1 Samyel 1:11

I ti fer sa ve: SENYER Toupwisan! Si ou zet en regar lo ou servant, dan son leta mizer, si ou pran pitye e pa oubliy ou servant; si ou donn mwan en garson, mon pou konsakre li tou son lavi pour servi ou. Razwar pa pou zanmen pas lo son latet.