Nonm 6:26 - Labib An Kreol Seselwa

²⁶ SENYER ava lev son regar lo ou e donn ou lape!

Nonm 6:26 ပူးပေါင်းရင်းမြစ်များ

Psonm 29:11

SENYER pou donn son pep lafors. SENYER pou beni son pep e donn li lape.

Psonm 37:37

Obzerv byen en dimoun onnet; get sa enn ki senp e drwat. Sa enn ki kontan lape pour viv lontan.

Psonm 4:6

Bokou pe dir: Lekel ki pou montre nou sa ki byen? SENYER! Fer leve lalimyer ou lafas lo nou.

Psonm 42:5

Akoz mon dekouraze? Akoz mon plenny lo mon sor? Met ou konfyans dan Bondye! Mon pou loue li ankor, li, mon Sover.

Psonm 44:3

Pa avek zot lepe ki zot ti ganny sa pei; pa avek zot lafors, ki zot ti ganny laviktwar. Me par ou lanmen, par ou lafors, par lalimyer ou prezans, akoz ou ti kontan zot.

Psonm 89:15

I byennere sa pep ki konn sant zot lazwa, ki viv dan lalimyer ou prezans, SENYER.

Ezai 26:12

SENYER! Ou'n akord nou lape, akoz vreman, tou sa ki nou'n fer, se ou ki'n fer pour nou.

Ezai 26:3

Avek en lespri ferm, ou gard zot dan lape, lape, akoz zot met zot konfyans dan ou.

Ezai 57:19

SENYER i deklare: Lape! Lape pour sa enn ki lwen, pour san enn ki pros! Mon pou geri zot tou!

Mise 5:5

Li menm ki pou anmenn lape! Si bann Asiriyen i vin dan nou pei e penetre dan nou bann pale, nou pou anvoy kont zot set berze, wit sef parmi lepep.

Levanzil dapre Lik 2:14

“Laglwar Bondye lao dan lesyel! Lape lo later pour dimoun ki i kontan.”

Levanzil dapre Zan 14:27

Mon kit lape avek zot, mon donn zot mon lape. Selman, mon pa donn zot lape parey lemonn i donnen. Pa bezwen enkyet e pa bezwen per sa ki pou arive.

Levanzil dapre Zan 16:33

Mon'n dir zot tousala pour ki zot ganny lape e reste ini avek mwan. Dan lemonn, zot bezwen soufer. Me pran kouraz. Mwan, mon'n ranport laviktwar lo lemonn.”

Levanzil dapre Zan 20:21

Zezi ti dir zot ankor, “Lape i avek zot. Parey Papa in anvoy mwan, mwan osi mon anvoy zot.”

Levanzil dapre Zan 20:26

En semenn plitar, bann disip Zezi ti'n rasanble ankor dan lakaz e Toma ti la avek zot. Bann laport ti'n fermen akle, me Zezi ti antre e debout la parmi zot. I ti dir, “Lape i avek zot.”

Akt de Zapot 10:36

Zot konnen ki Bondye in anvoy son mesaz pour pep Izrael pour anons Bonn Nouvel lape par Zezi-Kri; li menm ki Senyer pour tou dimoun.

Akt de Zapot 2:28

Ou'n montre mwan semen lavi, e ou prezans pou ranpli mwan avek lazwa.

Romen 15:13

Bondye, ki donn lesperans, ava ranpli zot avek lazwa ek lape parfe dan lafwa. I ava rann zot ris avek lesperans, par pwisans Lespri Sen.

Romen 15:33

Mon demande ki Bondye ki donn lape, ava avek zot tou. Amenn.

Romen 5:1

Ensi, aprezan ki nou'n ganny zistifye par nou lafwa, nou anpe avek Bondye par nou Senyer Zezi-Kri.

Efezyen 6:23

Mon demande ki Bondye ek son Garson Zezi-Kri i donn tou bann frer dan Kris, lape, lanmour ek lafwa.

Filipyen 4:7

Alor, lape Bondye ki depas tou disernman imen, ava gard zot leker ek zot lespri ini avek Zezi-Kri.

2 Tesalonisyen 3:16

Aprezan, Senyer ki sours lape, ava li menm donn zot lape, dan tou letan e dan tou fason. Mon demande ki Senyer i reste avek zot tou.