Nonm 6:20 - Labib An Kreol Seselwa

²⁰ Pret ava prezant sa avek bann rityel devan SENYER. Sa i bann keksoz sen ki pour sa pret, ansanm avek lestoma ek kwis ki ganny prezante. Apre, sa Nazireen ava kapab bwar diven ankor.

Nonm 6:20 ပူးပေါင်းရင်းမြစ်များ

Eklezyas 9:7

Ale, manz ou dipen avek lazwa e bwar ou diven avek en leker kontan; akoz Bondye in deza aprouv ou travay.

Ezai 25:6

Lo sa montanny, SENYER liniver pou donn en festen; pou annan en kantite bon manze; en festen bon diven ki'n ganny laz; en festen kot pou annan bon manze avek lanmwel, avek bon vye diven.

Ezai 35:10

Tou bann ki SENYER in libere pou retournen. Zot pou ariv Siyon dan lazwa. Zot figir pou reyonnen avek en boner san limit. Zot pou ranpli avek en gran lazwa. Soufrans ek latristes pou'n disparet.

Levitik 10:15

Ansanm avek lagres ki ganny brile devan SENYER, bann Izraelit ava anmenn sa kwis ki'n ganny ofer e sa morso pwatrin dan prezantasyon sakrifis; i ou par e par ou bann garson pour touzour, parey SENYER in ordonnen.”

Levitik 23:11

Pret ava prezant li devan SENYER pour ki ou ganny aksepte; pret ava fer sa, lannmen saba.

Levitik 7:30

Li menm, ava anmenn lagres sakrifis brile devan SENYER: Lagres avek pwatrin sa zannimo, ki i ava ofer dan en seremoni prezantasyon devan SENYER.

Levitik 7:31

Pret ava bril lagres lo lotel, me pwatrin ava vin pour Aaron ek son bann garson.

Levitik 7:32

Dan sakrifis lape, ou ava donn pret porsyon kwis drwat sa zannimo koman son par dan sa sakrifis.

Levitik 7:34

Dan bann sakrifis lape ofer par pep Izrael, mon'n rezerv pwatrin ki'n ganny garde pour rityel prezantasyon ek porsyon kwis ki'n ganny met de kote. Mon donn pret Aaron pour touzour sa par ki mon'n tire lo par ki vin pour bann Izraelit.

Levitik 9:21

Aaron ti ofer SENYER bann morso pwatrin ek porsyon kwis drwat ki i ti prezant devan SENYER, parey Moiz ti'n ordonnen.

Zakari 10:7

Apre sa, bann zabitan Efraim pou vin parey bann vayan gerye. Zot leker pou dan lazwa parey kan ou'n bwar diven. Zot bann zanfan pou kontan kan zot ava war sa; zot leker pou dan lazwa akoz SENYER.

Zakari 9:15

SENYER liniver pou protez zot. Zot ava detri e kraz bann ros ki servi dan fles. Zot ava bwar zot disan konmsi diven. Zot ava plen parey lakoup, e kouver bann kwen lotel.

Zakari 9:17

Zot pou vreman ere! Zot pou vreman zoli! Dible ava donn lafors bann zennzan e diven nouvo bann zenn fiy.

Nonm 18:18

Gard pour ou, lavyann en zannimo ki'n ganny ofer, son pwatrin ek son lazanm deryer kote drwat.

Nonm 5:25

Pret ava pran sa lofrann dan lanmen sa fanm e depoz li lo lotel devan SENYER.

Nonm 6:21

Sa i lalwa konsernan bann Nazireen ki fer en ve. Sa i osi bann prezan ki i devre ofer SENYER pour son nazirea, apar lezot lofrann ki i kapab anmennen. Me i oblize ofer dapre ve ki i'n fer, e dapre lalwa konsekrasyon bann Nazireen.

Matye 26:29

Mon dir zot, sa i laverite: Mon pa pou bwar ankor sa prodwi rezen, ziska zour ki mon bwar en diven nouvo avek zot, dan Rwayonm mon Papa.”

Mark 14:25

Mon dir zot, sa i laverite: Mon pa pou bwar ankor sa prodwi rezen, ziska zour mon pou bwar diven nouvo dan Rwayonm Bondye.”

Levanzil dapre Zan 19:30

Kan Zezi ti'n gout sa vineg, i ti dir, “Tou in akonpli!” Apre, i ti bes son latet e i ti rann son souf.