Nonm 6:19 - Labib An Kreol Seselwa

¹⁹ Pret ava pran zepol sa mouton mal adilt, ki'n fini kwi e pran en gato san lelven dan pannyen, en galet san lelven. I ava met tousala dan lanmen sa Nazireen apre ki i'n fini raz son latet.

Nonm 6:19 ပူးပေါင်းရင်းမြစ်များ

Levitik 7:28

SENYER ti koz avek Moiz:

Levitik 7:30

Li menm, ava anmenn lagres sakrifis brile devan SENYER: Lagres avek pwatrin sa zannimo, ki i ava ofer dan en seremoni prezantasyon devan SENYER.

Levitik 8:27

Moiz ti plas tousala dan lanmen Aaron e dan lanmen son bann garson. I ti fer zot fer rityel lofrann devan SENYER.

Levitik 8:31

Moiz ti dir avek Aaron ek son bann garson: Fer bwi lavyann dan lantre Latant Rankont, e manz li lanmenm avek dipen ki dan korbey pour lofrann konsekrasyon, parey mon ti ordonnen: Aaron ek son bann garson ki pou manz sa.

Nonm 6:2

Dir avek pep Izrael: Ler en zonm oubyen en fanm i fer ve en Nazireen e konsakre li pour SENYER,

1 Samyel 2:15

Avan menm ki lagres ti konmans brile, serviter pret ti vin dir sa enn ki ti pe fer sakrifis, “Donn en pe lavyann pour fer roti pour pret; i pa pe aksepte lavyann bwi, i oule zis sa ki kri.”