Nonm 5:9 - Labib An Kreol Seselwa

⁹ Tou bann lofrann ek bann keksoz sen ki kominote Izrael i anmenn kot pret i pour li.

Nonm 5:9 ပူးပေါင်းရင်းမြစ်များ

Egzod 29:28

Tousala ava pour Aaron ek son bann garson, dapre en regleman pour touzour. Sa, ava par pep Izrael ki sorti lo son bann sakrifis lape. Sa i zot kontribisyon pour SENYER.

Levitik 10:13

Fodre manz sa lavyann dan en landrwa sen. Sa i ou par e par ou bann garson sorti dan lofrann brile pour SENYER, dapre lord ki mon ti gannyen.

Levitik 10:14

Konsernan porsyon pwatrin ek kwis dan rityel prezantasyon devan SENYER ki ti ganny ofer, ou ava manz li dan en landrwa sen, ansanm avek ou bann garson ek ou bann fiy. Sa i ou par e par ou bann garson dan sakrifis lape pour pep Izrael.

Levitik 10:15

Ansanm avek lagres ki ganny brile devan SENYER, bann Izraelit ava anmenn sa kwis ki'n ganny ofer e sa morso pwatrin dan prezantasyon sakrifis; i ou par e par ou bann garson pour touzour, parey SENYER in ordonnen.”

Levitik 6:26

Sa pret ki ofer sa sakrifis pour pardon pese ava manz en pe; i ava manz li dan en landrwa sakre, dan lakour Latant Rankont.

Levitik 7:32

Dan sakrifis lape, ou ava donn pret porsyon kwis drwat sa zannimo koman son par dan sa sakrifis.

Levitik 7:34

Dan bann sakrifis lape ofer par pep Izrael, mon'n rezerv pwatrin ki'n ganny garde pour rityel prezantasyon ek porsyon kwis ki'n ganny met de kote. Mon donn pret Aaron pour touzour sa par ki mon'n tire lo par ki vin pour bann Izraelit.

Nonm 18:19

Mon donn ou, ou bann garson ek ou bann fiy tou sa bann lofrann ki pep Izrael i ofer devan SENYER. I ou drwa pour touzour; i dan kondisyon lalyans konsakre avek disel fer avek ou e tou ou bann desandan pour touzour.

Nonm 31:41

Moiz ti donn pret Eleazar, par ki ti ganny rezerve pour SENYER, parey SENYER ti'n ordonnen par lentermedyer Moiz.

Nonm 5:8

Si sa viktim napa okenn fanmir pour resevwar sa domaz, sa lobze ava al pour SENYER. Pret ava resevwar sa lobze ansanm avek sa mouton ki i pou ofer pour pardon son pese.

Deterononm 12:26

Me ou ava anmenn zis sa ki ou'n konsakre ek ou bann sakrifis volonter dan landrwa kot SENYER ava swazir.