Nonm 5:18 - Labib An Kreol Seselwa

¹⁸ Pret ava fer sa fanm prezant li devan SENYER. I ava delarg son seve e met dan son lanmen lofrann vezetal ki i'n anmennen, akoz zalouzi son mari. Sa pret ava tenir dan son lanmen sa delo anmer ki donn malediksyon.

Nonm 5:18 ပူးပေါင်းရင်းမြစ်များ

Proverb 5:4

Me answit, i vin anmer parey labsent, fite parey en lepe lo son de kote.

Eklezyas 7:26

Alor, mon'n dekouver sa ki pli anmer ki lanmor: En fanm ki tant zonm, son leker i parey en pyez e son lanmen i parey lakord. Sa zonm ki fer plezir Bondye pou sape, me en peser pou pri dan son lasenn.

Ezai 38:17

Mon lanmertim ti sirman pour mon prop boner ki mon ti dan latristes. Dan ou lanmour pour mwan, ou'n anpes mwan tonm dan lafos destriksyon; ou'n zet mon bann pese lwen deryer ou.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Levitik 13:45

En dimoun ki annan en maladi ki parey lalep i devre met lenz desire, kit son seve fannen e kouver son labarb ziska kot son lalev anler, e kriye: Enpir! Enpir!

Nonm 5:15

alor sa zonm ava anmenn son fanm kot pret. I ava anmenn lofrann neseser pour son fanm: 2.5 kilo lafarin lorz. I pa bezwen vid delwil e met lansan avek, akoz i en lofrann vezetal, en lofrann zalouzi pour denons en fot.

Nonm 5:17

Pret ava pran delo sakre dan en bol an seramik. I ava pran lapousyer ki ater dan sanktyer e met dan sa delo.

Nonm 5:19

I ava fer sa fanm fer en serman. I ava dir li: Si okenn zonm pa'n dormi avek ou e ki ou pa'n tronp ou mari pour fer sa ki mal e dezonor ou prop lekor, sa delo pou napa okenn lefe advers lo ou.

Nonm 5:22

Sa delo ki donn malediksyon ava desann dan ou vant e fer li anfle e ou pou deperi. Sa fanm ava reponn: Amenn! Amenn!

1 Korentyen 11:15

tandis ki i en loner pour en fanm annan seve long. Annefe, seve long i servi pour en fanm kouver son latet.

1 Korentyen 11:6

En fanm ki pa kouver son latet, i kapab osi koup son seve. Me akoz i fer onte pour en fanm koup son seve oubyen raz son latet, alor i devre kouver son latet.

Deterononm 29:18

I pa sipoze annan parmi zot en zonm, en fanm, en fanmir, en tribi, ki son leker in detourn kont SENYER, nou Bondye, pour al servi bann bondye sa bann nasyon. I pa devre annan parmi zot, rasin en plant ki prodwir en pwazon anmer.

Ebre 13:4

Maryaz i devre ganny onore par tou dimoun. Mari ek fanm i devre reste fidel anver kanmarad. Bondye pou ziz bann ki anmenn en lavi dezordonnen e adilter.

1 Samyel 15:32

Apre, Samyel ti dir, “Anmenn Agag, lerwa bann Amalesit isi.” Agag ti avans devan li avek lafyerte. I ti dir dan li menm: Sirman, douler lanmor in fini pase.