Nonm 5:14 - Labib An Kreol Seselwa

¹⁴ si en lespri zalouzi i pran sa zonm akoz i annan soupson ki son fanm in dezonor son lekor; oubyen si en lespri zalouzi i pran sa zonm e i soupsonn son fanm me, son fanm pa'n dezonor son lekor;

Nonm 5:14 ပူးပေါင်းရင်းမြစ်များ

Proverb 6:34

Annefe, zalouzi i met en mari dan lakoler vyolan e i san pitye ler i pran son revanz.

Kantik Salomon 8:6

Met mwan koman en bizou presye lo ou leker, koman en brasle grave lo ou lebra; akoz lanmour i for parey lanmor; lapasyon i osi kriyel; i retenir dan latonm. Son lafyev i brile parey en dife; i tonm parey zekler.

Sofoni 3:8

La sa ki SENYER i deklare: Esper mwan! Espere zour mon leve pour akiz zot. Mon'n deside rasanble bann nasyon, bann rwayonm, pour fer zot santi pwa mon gran lakoler. Mon pou detri pei antye par dife mon lakoler terib.

Nonm 5:30

oubyen ler en zonm zalou i soupsonn son fanm: Son mari ava fer son fanm konparet devan SENYER. Pret ava aplik lo li tou sa ki lalwa i dir.

1 Korentyen 10:22

Eski nou oule fer Senyer zalou? Eski nou krwar ki nou pli for ki li?