Zot bann fanm, zot bann zanfan, e zot troupo ava reste dan sa pei ki Moiz in donn zot lot kote larivyer Zourden. Me tou zot vayan gerye ava travers larivyer avek zot zarm devan zot bann frer ki zot ava ede,
Alor, bann Ribenit avek bann Gadit ensi ki demi tribi Manase ti retourn kot zot. Zot ti kit lezot Izraelit Silo, dan pei Kanaan, e zot ti al dan pei Galaad, rezyon ki zot ti'n resevwar koman zot par, parey SENYER ti'n ordonnen par lentermedyer Moiz.