Nonm 30:12 - Labib An Kreol Seselwa

¹² Me si, zour i aprann, son mari ti deside anil tou, alor son ve ek son langazman anver li menm pou tonbe. SENYER pou pardonn li, akoz son mari ki'n anil tou.

Nonm 30:12 ပူးပေါင်းရင်းမြစ်များ

Zeremi 44:17

Nou pou kontinyen fer tou sa ki nou ti'n promet fer. Nou pou ofer bann lofrann lansan e bann lofrann diven an loner larenn lesyel, parey nou'n fer ziska aprezan e parey nou zanset, nou bann lerwa e nou bann sef ti abitye fer dan bann lavil Zida e dan bann lari Zerizalenm. Dan sa lepok, nou ti annan dekwa manze, nou ti pe prospere, nou ti napa okenn traka.

Zeremi 44:19

Bann fanm ti azoute: Nou mari ti dakor kan nou ti kwi gato dan laform larenn lesyel, kan nou ti ofer lansan ek bann lofrann diven.

Nonm 15:25

Pret ava fer rityel pardon pese lo kominote Izrael antye e zot ava ganny pardonnen. Annefe, sa ti en fot envolonter e pour sa fot, zot in anmenn zot lofrann ki'n ganny brile par dife pour SENYER. Akoz zot fot envolonter, zot in osi anmenn devan SENYER, zot sakrifis pour zot pese.

Nonm 15:28

Pret ava fer rityel pardon son pese envolonter lo lotel devan SENYER. Sa dimoun ava ganny pardonnen son pese.

Nonm 30:11

e ki son mari pa ti dir nanryen ler i ti konnen, e i pa'n dezaprouve, alor tou son bann ve e tou son bann langazman anver li menm i reste valab.

Nonm 30:13

En mari i annan tou drwa mentenir oubyen anil nenport ve oubyen langazman ki son fanm in fer.

Nonm 30:5

Me si ler i tande, son papa i met lobzeksyon, tou son bann ve e tou son bann langazman ki i'n pran pou tonbe. SENYER ava pardonn li, akoz son papa pa ti dakor avek li.

Nonm 30:8

Me si zour i ti tande, son mari ti met lobzeksyon, ve oubyen langazman ki son fanm ti'n fer pou ganny annile: SENYER pou pardonn li.

1 Korentyen 11:3

Sepandan, mon oule ki zot konpran ki Kris i sef tou zonm, ki en mari i sef son fanm e ki Bondye i sef Kris.

1 Samyel 1:23

Elkana ti reponn, “Fer sa ki fer ou plezir. Reste isi ziska ki i fini ganny sevre. Mon demande ki SENYER i tenir son promes.” Alor, Ann ti reste Rama pour kontinyen donn tete son garson ziska ki i ti sevre li.