Nonm 3:13 - Labib An Kreol Seselwa

¹³ Annefe, tou bann lene i pour mwan. Depi zour ki mon ti touy tou bann lene dan pei Lezip, mon ti konsakre tou bann lene dan Izrael. Zonm koman zannimo, zot pour mwan. Mwan menm SENYER.

Nonm 3:13 ပူးပေါင်းရင်းမြစ်များ

Nehemi 10:36

Nou ti osi promet pour anmenn dan tanp nou Bondye e prezant avek bann pret ki servi dan tanp nou Bondye, bann premye ne parmi nou bann garson, nou bann zannimo: Bann premye ne parmi nou bann bef, mouton ek kabri, parey in ekri dan lalwa.

Egzod 13:12

ou ava met apar pour SENYER tou zanfan mal premye ne e tou premye porte parmi ou bann zannimo. Tou mal i pour SENYER

Egzod 13:15

Kan dan son lantetman, Faraon ti refize les nou ale, SENYER ti touy tou premye ne dan Lezip, depi premye ne imen ziska premye ne zannimo. Pour sa rezon ki mon ofer an sakrifis pour SENYER, tou zannimo mal ki sorti premye dan vant son manman; me mon reaste tou bann garson premye ne.

Egzod 13:2

“Konsakre tou bann premye ne pour mwan. Imen koman zannimo parmi bann Izraelit i pour mwan.”

Egzod 22:29

Fodre pa gard avek ou lofrann fri oubyen rekolt ek prodwi ou plantasyon rezen. Ou ava donn mwan premye ne parmi ou bann garson.

Egzod 34:19

Tou premye ne en manman i pour mwan, enkli tou mal premye ne dan ou troupo: Bef, mouton, kabri.

Ezekyel 44:30

Bann pret i devre ganny tou premye parti rekolt ek tou lofrann ki ganny konsakre pour mwan. Zot ava osi donn bann pret premye parti lapat ki fer dipen, pour ki mon beni zot fanmir.

Levitik 27:26

Personn pa pou konsakre premye zannimo ki ne parmi son troupo, akoz koman en zannimo premye ne, i deza pour SENYER: Bef oubyen mouton, zot pour SENYER.

Nonm 18:15

Anfen, tou premye ne ki ganny ofer SENYER, dimoun ouswa zannimo i vin pour ou, me ou bezwen aksepte zis pri larzan pour bann premye ne imen ek zannimo enpir ki'n ganny aste.

Nonm 18:6

Mwan, mon'n swazir ou frer bann Levit parmi bann tribi Izrael. Zot en don ki mon fer ou; zot ava pour SENYER pour ofer servis dan Latant Rankont SENYER.

Nonm 3:41

Gard bann levit pour mwan, mwan menm SENYER, dan plas tou sa bann lene garson pep Izrael. Anmenmtan, ou ava gard tou zannimo bann levit pour mwan dan plas bann lene zannimo dan troupo pep Izrael.

Nonm 33:4

ki ti pe anter bann premye ne ki SENYER ti'n touye. SENYER ti egzekit son bann zizman kont bann bondye Lezip.

Levanzil dapre Lik 2:23

Annefe, parey in ekri dan Lalwa Senyer: Tou Garson premye ne, pou ganny konsakre pour Senyer.

Ebre 12:23

Zot, zot in vin dan lasanble bann garson premye ne ki'n ganny anrezistre dan lesyel. Zot in apros Bondye ki ziz tou dimoun, e avek lespri bann zonm zis, ki'n ariv ziska perfeksyon.