Nonm 28:2 - Labib An Kreol Seselwa

² Donn sa bann lord pep Izrael: Dan letan fikse, zot ava ofer mon lofrann mon nouritir, brile par dife, ki donn loder ki fer mwan plezir.

Nonm 28:2 ပူးပေါင်းရင်းမြစ်များ

Zenez 8:21

Loder son sakrifis ti fer plezir SENYER ki ti dir dan li menm: Mon pa pou zanmen modi later ankor akoz bann et imen. I vre ki depi son lazenes, leker zonm i move. Zanmen ankor mon pou detri bann vivan parey mon'n fer.

1 Kronik 23:31

e osi sak fwa ki sakrifis i ganny ofer, bann zour Saba, premye zour le mwan ek lezot zour lafet. Zot ti bezwen prezan sak fwa ki ti bezwen zot, dapre bann regleman pour servis SENYER.

2 Kronik 23:18

Apre, pret Yoyada ti plas bann pret levit parey David ti'n ordonnen pour vey lo tanp SENYER; en group pour ofer sakrifis konplet dan tanp, parey in ekri dan lalwa Moiz. I ti donn lord pour ki servis i deroul avek selebrasyon.

2 Kronik 31:3

Lerwa ti donn kontribisyon sorti dan son prop byen pour sakrifis konplet: Sakrifis konplet bomaten ek aswar, sakrifis konplet pour saba, pour nouvellin, pandan lezot lafet parey in ekri dan lalwa SENYER.

Esdras 3:2

Zozye, garson Yosadak, ansanm avek son bann konfrer pret ek Zorobabel, garson Sealtiel avek tou son bann fanmir ti konmans rekonstri lotel Bondye Izrael pour zot ofer sakrifis konplet dapre Lalwa Moiz, serviter Bondye.

Esdras 3:3

Menm si zot ti per popilasyon lokal, zot ti retabli lotel dan son lanplasman, e zot ti ofer SENYER sakrifis konplet bomaten e aswar.

Nehemi 10:34

Nou, bann pret, levit, ek lepep, nou ti tir osor pour konnen lekel fanmir ki devre fourni sak lannen, lo en dat fiks, dibwa ki pour bril lo lotel dan tanp SENYER, nou Bondye, parey in ekri dan lalwa.

Psonm 81:3

Soufle tronpet ler nouvellin, ler plenn lin, pour nou lafet.

Egzod 23:15

Ou ava obzerv lafet Dipen san lelven. Ou ava manz dipen san lelven pandan set zour, parey mon'n ordonn ou, dan letan fikse dan mwan Abib, kan zot ti sorti Lezip. Personn pa pou vin devan mwan lanmen vid.

Egzod 29:18

Ou ava bril sa mouton antye lo lotel. Sa i en sakrifis konplet pour SENYER, en lofrann ki donn en loder ki fer plezir SENYER.

Ezekyel 16:19

Pour fer zot plezir, ou ti menm ofer devan zot, lafarin meyer kalite, dimyel ek delwil, sa bann manze ki mon ti'n donn ou. La sa ki ti arive. Senyer BONDYE ki deklare.

Ezekyel 20:41

Mon pou akey zot avek plezir, parey en lofrann ki fer mwan plezir. Mon pou fer zot sorti parmi bann pep, dan tou pei kot zot in disperse e rasanble zot. Konmsa, mon pou montre bann nasyon ki mwan menm Bondye sen.

Ezekyel 45:17

Lobligasyon i tonm lo prens pour fourni sa ki neseser pour sakrifis konplet, lofrann vezetal ek lofrann diven pandan lafet, sirtou, bann nouvellin ek bann saba ek tou lezot seremoni ki ganny rekomande pour pep Izrael. I devre ofer sakrifis pour pese, lofrann vezetal, sakrifis konplet ek sakrifis lape, pour ki pep Izrael i ganny pardon son pese.

Levitik 1:13

I ava lav trip ek bann lapat avek delo. Answit, en pret ava prezant tou e fer brile lo lotel. Sa i ava en sakrifis konplet, brile dan dife, ki anvoy en loder ki fer plezir SENYER.

Levitik 1:17

I ava fann sa zwazo an de ant son lezel, me san separ li an morso. Apre, sa pret ava bril li lo dibwa ki lo lotel. Sa i ava en sakrifis konplet, brile dan dife, ki anvoy en loder ki fer plezir SENYER.

Levitik 1:9

Trip ek bann lapat ava ganny lave avek delo. Apre, en pret ava bril tousala lo lotel. Sa, i ava en sakrifis konplet, brile dan dife, ki anvoy en loder ki fer plezir SENYER.

Levitik 21:6

Zot ava reste sen pour zot Bondye e pa dezonor non zot Bondye. Annefe, zot ki ofer Bondye bann sakrifis ki ganny brile, nouritir zot Bondye. Alor, zot ava sen.

Levitik 21:8

Ou ava konsider bann pret koman sen, akoz zot ofer nouritir ou Bondye. Zot ava sen pour mwan SENYER, akoz mwan ki rann zot sen.

Levitik 3:11

En pret ava bril sa bann morso lo lotel. Sa i ava en nouritir, brile pour SENYER.

Malasi 1:12

Me zot, zot in rann enpir mon lotel kan zot dir mon lotel in ganny sali e lofrann nouritir napa gran valer.

Malasi 1:7

Kan zot ofer sakrifis nouritir ki enpir lo mon lotel, zot demande: Ki mannyer nou'n profann ou lotel? Kan zot pa rekonnet lenportans lotel SENYER.

Nonm 15:24

Si sa i en fot envolonter san ki kominote i konnen, kominote antye ava ofer en toro koman sakrifis konplet, ki ava donn en loder ki fer plezir SENYER. Zot ava azout en lofrann vezetal avek lofrann diven, dapre regleman. An plis ki sa, zot ava ofer en bouk koman en sakrifis pour efas pese. Sa ava donn en loder ki fer plezir SENYER.

Nonm 15:3

zot ava ofer mwan en sakrifis konplet oubyen nenport lezot sakrifis avek gro oubyen pti zannimo; en sakrifis pour akonpli en ve oubyen en lofrann volonter, oubyen en sakrifis a lokazyon en lafet pour fer monte en loder ki fer plezir SENYER.

Nonm 15:7

ansanm avek 1.5 lit diven avek sa sakrifis konplet. Sa i pou donn en loder ki fer plezir SENYER.

Nonm 28:1

SENYER ti dir Moiz:

Nonm 29:39

Sa i bann regleman konsernan bann sakrifis konplet ordiner, lofrann vezetal ek lofrann diven ek bann sakrifis lakominyon ki zot ava ofer SENYER kan zot oule, oubyen pour akonpli en ve.

Nonm 9:13

Me sa zonm ki pir, ki pa pe vwayaze e ki pa selebre Pak, i bezwen ganny tire parmi son pep, akoz i pa'n ofer SENYER son lofrann ler ti fodre. Sa zonm ava anmenn konsekans son pese.

Nonm 9:7

“Nou dan en leta enpir akoz nou'n tous en kadav. Akoz zot in anpes nou prezant nou lofrann SENYER lo dat fikse parey lezot Izraelit?”

2 Korentyen 2:15

Annefe, pour Bondye, nou sa bon loder parfen Kris parmi tou bann ki pe ganny sove, koman pour bann ki pe al ver zot pert.

Efezyen 5:2

Viv dan lanmour, parey Kris in kontan nou e donn son lavi pour nou, koman en lofrann e en sakrifis ki fer plezir Bondye.

Filipyen 4:18

Mon sertifye donk, ki mon ti ganny tou sa ki zot ti anvoy mwan; e sa ti plis ki sifizan. Aprezan ki Epafrodit in anmenn mwan zot bann kado, mon annan tou sa ki neseser. Sa bann kado i koman en sakrifis ki Bondye i aksepte e ki fer li plezir.