Nonm 28:14 - Labib An Kreol Seselwa

¹⁴ Lofrann diven ki ganny verse kot lotel ava konmsa: De lit pour en toro; en lit edmi pour en mouton mal; en lit pour sak mouton. Sa i bann regleman pour bann sakrifis ofer konmansman sak mwan tou dilon lannen.

Nonm 28:14 ပူးပေါင်းရင်းမြစ်များ

Esdras 3:5

Apre, zot ti ofer sakrifis tou le zour ek sakrifis pour nouvellin, pour bann lafet konsakre pour SENYER ek bann lofrann volonter ki dimoun ti ofer SENYER.

Ezai 1:13

Aret anmenn bann lofrann i initil. Loder lansan i degoutan. Mon nepli kapab siport zot bann lafet nouvellin; bann saba e bann konvokasyon solannel ki melanze avek mesanste.

Zeremi 48:35

Mon pou fer disparet dan Moab, bann dimoun ki bril lansan dan bann landrwa sakre, e ofer bann sakrifis en loner zot bann bondye, SENYER i deklare.

Ezekyel 46:4

Zour saba, prens ava ofer sis zenn mouton ek en mouton mal san defo koman sakrifis konplet devan SENYER.

Zoel 1:13

Zot bann pret! Met zot lenz dey! Lamante, zot ki servi lo lotel! Antre dan tanp e pas lannwit dan lenz dey. Lamante, zot bann serviter Bondye! I nepli annan lofrann vezetal ek lofrann diven dan tanp zot Bondye.

Nonm 15:5

I ava osi vers en lit diven avek sa sakrifis konplet koman lofrann labwason. I ava fer parey pour nenport lezot sakrifis e pour sak mouton:

Nonm 15:9

ou ava osi prezant en lofrann vezetal: Trwa kilo lafarin melanze avek de lit delwil doliv,

Nonm 28:13

Avek sak mouton, ofer en kilo lafarin petri avek delwil. Sa i pou en sakrifis konplet ki donn loder ki fer plezir SENYER.

Nonm 28:15

An plis ki sa bann sakrifis ordiner e bann lofrann diven, zot ava ofer en bouk pour pardon pese.

Nonm 28:7

Pour lofrann bomaten, ou ava ofer en lit diven ki ou ava vers lo lotel pour sak zenn mouton devan SENYER.

Nonm 29:18

Zot ava osi ofer avek sakrifis bann toro, mouton mal, ek bann zenn mouton, lofrann vezetal ek diven dapre regleman