Nonm 28:13 - Labib An Kreol Seselwa

¹³ Avek sak mouton, ofer en kilo lafarin petri avek delwil. Sa i pou en sakrifis konplet ki donn loder ki fer plezir SENYER.

Nonm 28:13 ပူးပေါင်းရင်းမြစ်များ

Egzod 29:40

Avek premye zenn mouton, ou ava ofer trwa kilo lafarin meyer kalite, en lit edmi delwil meyer kalite e en lit edmi diven pour lofrann labwason.

Nonm 15:6

Pour en mouton mal adilt, ou devre prezant de kilo lafarin melanze avek en lit edmi delwil, ofer koman en sakrifis sereal,

Nonm 28:12

An plis ki sa, pour sak toro, zot ava ofer en lofrann trwa kilo lafarin petri dan trwa lit delwil. Avek sa mouton mal, de kilo lafarin petri avek delwil.

Nonm 28:14

Lofrann diven ki ganny verse kot lotel ava konmsa: De lit pour en toro; en lit edmi pour en mouton mal; en lit pour sak mouton. Sa i bann regleman pour bann sakrifis ofer konmansman sak mwan tou dilon lannen.