Nonm 27:21 - Labib An Kreol Seselwa

²¹ I pou asiste pret Eleazar ki ava konsilte Ourim. Konmsa, i ava diriz Zozye e lepep ava swiv.”

Nonm 27:21 ပူးပေါင်းရင်းမြစ်များ

2 Samyel 21:1

Dan letan David, ti annan en lafanmin pandan 3 an. David ti konsilte SENYER ki ti dir li, “Sa i akoz Sail ek son fanmir ki'n vers disan. Zot in touy bann Gabaonit.”

Esdras 2:63

Gouverner ti ordonnen ki zot pa manz bann manze sakre, ziska ki en pret i konsilte Ourim ek Toumim.

Nehemi 7:65

Gouverner ti defann zot manz bann lofrann tre sakre, ziska ki en pret i la pour konsilte Ourim ek Toumim.

Egzod 28:30

Ou ava met Ourim ek Toumim dan pektoral zizman. Zot ava lo leker Aaron kan i ava antre devan SENYER. Konmsa, Aaron ava pe touzour port lo son leker, zizman pour pep Izrael devan SENYER.

Levitik 8:8

Apre, i ti plas pektoral lo son pwatrin e met Ourim ek Toumim ladan.

Malasi 2:7

I devwar bann pret pour ansenny vre konnesans Bondye. Lepep i devre pran konsey avek zot pour konnen ki lalwa i dir, akoz se zot ki mesaze SENYER liniver.

Nonm 27:17

pour komann zot dan lager, pour ki ou pep pa egare parey bann mouton san berze.”

Nonm 27:2

Zot ti vin kot Moiz ek pret Eleazar. Tou bann sef tribi ek kominote Izrael ti la devan lantre Latant Rankont. Zot ti dir:

Nonm 27:20

Donn li en par ou lotorite pour ki Izrael i obei li.

Nonm 27:22

Moiz ti fer sa ki SENYER ti'n dir li. I ti prezant Zozye devan pret Eleazar e devan kominote antye.

Nonm 27:5

Moiz ti prezant zot ka devan SENYER.

Deterononm 31:3

SENYER, ou Bondye ava li menm mars devan ou. I pou detri bann nasyon devan ou e ou ava pran posesyon zot pei. Zozye ava osi diriz ou, parey SENYER in promet.

Deterononm 33:8

La sa ki Moiz ti dir lo Levi: Donn Levi, sa enn ki lwayal anver ou ou Toumim ek ou Ourim. Ou ti teste li Massa, e ou ti provok li kot sours Meriba.

Zozye 9:14

Bann Izraelit ti aksepte zot provizyon san konsilte SENYER.

Ziz 1:1

Apre lanmor Zozye, pep Izrael ti al konsilte SENYER. Zot ti demande “Lekel parmi nou ki pou al an premye, konbat bann Kananeen?” SENYER ti dir,

Ziz 20:18

Bann Izraelit ti mont Betel pour konsilte Bondye: Lekel parmi nou ki pou al premye pour lager kont bann Benzamit? SENYER ti reponn: Zida ki pou al premye.

Ziz 20:23

Bann Izraelit ti al plere devan SENYER ziska aswar. Zot ti konsilte SENYER: Eski fodre nou atak ankor nou bann frer Benzamit? SENYER ti reponn: Atake.

1 Samyel 14:19

Letan Sail ti pe koz avek pret, tapaz dan kan Filisten ti ogmante. Alor, Sail ti dir pret, “Tir ou lanmen.”

1 Samyel 23:9

David ti aprann tou dimal ki Sail ti pe prepare kont li. I ti dir pret Abiatar, “Anmenn lefod.”

1 Samyel 28:6

Sail ti konsilte SENYER, me SENYER pa ti reponn li, ni par rev, ni par Ourim, ni par bann profet.

1 Samyel 30:7

David ti dir pret Abiatar, garson Ahimelek, “Anmenn mwan lefod.” Abiatar ti anmenn lefod kot David.