Nonm 27:18 - Labib An Kreol Seselwa

¹⁸ SENYER ti dir Moiz, “Pran Zozye, garson Noun, en zonm ki mon lespri i lo li. Enpoz ou lanmen lo son latet.

Nonm 27:18 ပူးပေါင်းရင်းမြစ်များ

Zenez 41:38

Faraon ti dir zot, “Eski nou kapab trouv en zonm parey sa enn ki ranpli avek lespri Bondye?”

1 Kronik 7:27

Nonn, son garson, Zozye, son garson.

Egzod 17:9

Moiz ti dir Zozye, “Swazir bann zonm kapab, e al lager kont Amalek. Demen, nou ava debout lo latet montanny avek baton SENYER dan lanmen.”

Danyel 5:14

Mon'n aprann lo ou size, ki lespri bann bondye i dan ou. Ou annan en disernman kler ek lasazes ekstraordiner.

Nonm 11:17

Mon pou desann e koz avek ou dan sa landrwa. Mon pou pran en pe lespri ki dan ou e met lo zot. Zot ava anmenn en pe ou responsabilite; ou pa bezwen anmenn pwa sa fardo ou tousel”.

Nonm 13:16

Sa i non tou bann zonm ki Moiz ti anvoy eksplor pei Kanaan. Moiz ti donn Oze, garson Noun, non Zozye.

Nonm 13:8

Pour tribi Efraim: Hoze, garson Noun.

Nonm 27:23

I ti enpoz lanmen lo latet Zozye e proklanm li koman son sikseser, parey SENYER ti'n dir par lentermedyer Moiz.

Levanzil dapre Zan 3:34

Sa enn ki Bondye in anvoye, i koz Parol Bondye, akoz Bondye in donn li son Lespri annabondans.

Akt de Zapot 13:3

Alor, zot ti priye e zennen. Apre, bann zapot ti enpoz lanmen lo zot e les zot ale.

Akt de Zapot 19:6

Kan Pol ti enpoz lanmen lo zot, Lespri Sen ti desann lo zot. Zot ti konmans koz bann lalang etranze, e anons mesaz ki Bondye ti donn zot.

Akt de Zapot 6:3

Alor, mon bann frer! Swazir set zonm parmi zot, ki annan bon repitasyon, ranpli avek Lespri Sen e bokou lasazes. Nou, nou ava donn zot sa responsabilite.

Akt de Zapot 6:6

Zot ti prezant sa bann zonm devan bann zapot ki ti priy avek zot e enpoz lanmen lo zot.

Deterononm 1:37

SENYER ti menm ankoler kont mwan akoz zot. I ti dir: Ou osi, ou pa pou antre.

Deterononm 3:21

Alor, mon ti donn Zozye mon lord: Ou'n war ou menm tou sa ki SENYER, zot Bondye in fer avek sa de lerwa. SENYER pou tret tou bann rwayonm ki ou pe al traverse dan menm fason.

Deterononm 3:28

Donn Zozye ou bann lord, ankouraz li, rann li for, akoz li menm ki pou diriz lepep e donn li patrimwann sa pei ki ou pou war.

Deterononm 31:14

SENYER ti dir Moiz, “Letan ou lanmor pe aprose. Apel Zozye e vin prezant zot dan Latant Rankont, pour mwan donn li mon bann lord.” Alor, Moiz ek Zozye ti al prezant zot dan Latant Rankont.

Deterononm 31:23

Answit, SENYER ti donn son bann lord Zozye, garson Noun: Reste for e pran kouraz, akoz ou pou kondwir bann Izraelit dan pei ki mon ki promet zot par serman; mon pou avek ou.

Deterononm 31:3

SENYER, ou Bondye ava li menm mars devan ou. I pou detri bann nasyon devan ou e ou ava pran posesyon zot pei. Zozye ava osi diriz ou, parey SENYER in promet.

Deterononm 34:9

Zozye, garson Noun, ti ranpli avek lasazes. Annefe, Moiz ti'n poz son lanmen lo li. Bann Izraelit ti obei li e fer tou sa ki SENYER ti'n komande par lentermedyer Moiz.

1 Timote 4:14

Pa negliz sa don spirityel ki dan ou, ki ou'n gannyen par mesaz bann profet, kan bann ansyen ti enpoz lanmen lo ou.

1 Timote 5:22

Pa prese pour enpoz lanmen lo personn, pour konfye li en responsabilite dan Legliz. Pa bezwen partisip dan pese lezot; gard ou lekor pir.

Ebre 6:2

ensi ki lansennyman lo bann batenm, seremoni lenpozisyon lanmen, rezireksyon bann mor ek zizman definitif.

Zozye 1:17

Nou pou obei ou parey nou'n obei Moiz. SENYER, ou Bondye ava avek ou parey i ti avek Moiz!

Ziz 11:29

Lespri SENYER ti lo Zefte. Zefte ti travers Galaad ek Manase e pas Mispa dan Galaad; sorti Mispa dan Galaad, i ti pas kot bann Amonit.

Ziz 3:10

Lespri SENYER ti desann li e i ti vin ziz pep Izrael. I ti al lager e SENYER ti donn li laviktwar lo Kousann-Riseataim, lerwa Mezopotami. I ti fer santi son pouvwar kont Kousann-Riseataim.

1 Samyel 16:18

Enn bann serviter ti reponn, “Mon'n war en garson Zese, ki sorti Betlehenm, ki zwe byen. I osi en konbatan, en vayan gerye, i koz byen e i en zoli zennzan. SENYER i avek li.”