Nonm 26:53 - Labib An Kreol Seselwa

⁵³ Diviz pei Kanaan par tribi dapre zot popilasyon e zot grander.

Nonm 26:53 ပူးပေါင်းရင်းမြစ်များ

Zenez 12:2

Mon pou fer ou vin papa en gran nasyon e mon pou beni ou. Mon pou fer ou non vin enportan e ou ava vin en benediksyon.

Zenez 12:7

SENYER ti aparet avek Abranm. I ti dir li, “Mon pou donn sa pei ou desandans.” Abranm ti konstri en lotel la, pour SENYER ki ti'n aparet avek li.

1 Kronik 16:18

I ti dir: Mon pou donn ou pei Kanaan, koman en patrimwann.

Psonm 105:44

I ti donn zot later lezot nasyon e zot ki pran posesyon larises bann pep.

Psonm 49:14

Parey mouton, zot ganny destinen pour lanmor. Lanmor i zot berze. Zot desann drwat dan latonm. Apre sa, dimoun ki zis, i kraz zot anba lipye; zot perdi zot laform. Lemonn lanmor i vin zot demer.

Ezekyel 47:22

Zot ava pran koman zot posesyon e pour bann etranze ki viv parmi zot e ki'n ganny zanfan dan pei. Zot ava konsider zot koman Izraelit. Zot ava ganny en par later parmi bann tribi Izrael.

Danyel 7:27

Rwayote, pouvwar ek grander dan tou bann rwayonm anba lesyel pou ganny donnen dan lanmen pep sen ki pour Bondye Toupwisan. Sa rwayonm pou dire pour touzour, e tou bann pwisans pou servi e obeir li.

Nonm 26:52

SENYER ti dir avek Moiz:

Nonm 26:54

Partaz later dapre grander sak tribi. En gran morso later pour sa ki pli gran, en pli pti morso pour sa ki pli pti. Partaz dapre rezilta resansman.

Nonm 33:54

Zot ava partaz pei par tiraz osor, dapre sak klan. Partaz later dapre grander sak tribi. En gran morso later pour sa ki pli gran, en pli pti morso pour sa ki pli pti. Fer partaz dapre rezilta resansman.

Matye 5:5

Byennere bann ki dou, akoz zot pou posed later!

Zozye 1:6

Reste for e pran kouraz, akoz ou ki pou fer sa pep pran posesyon sa pei ki mon'n promet pour donn zot zanset.

Zozye 11:23

Alor, Zozye ti pran tou sa pei, parey SENYER ti'n ordonn Moiz. Zozye ti donn bann Izraelit sa pei, e diviz li an porsyon, par tribi. Alor pei ti trankil, san lager.

Zozye 14:1

La patrimwann ki pep Izrael ti resevwar dan pei Kanaan. Sa ti bann teritwar ki pret Eleazar, Zozye garson Noun ek sef fanmir dan sak tribi Izraelit ti partaze avek zot:

Revelasyon 21:27

Okenn lenpirte pa pou antre dan lavil, ni personn ki pratik bann akt degoutan ek mansonz. Zis bann ki zot non in ganny enskri dan liv lavi Zenn Mouton ki pou kapab antre.

Revelasyon 5:10

Ou'n fer zot vin en rwayonm pret pour servi non Bondye, e zot pou rennyen lo later.