Nonm 24:9 - Labib An Kreol Seselwa

⁹ I alonze ater parey en lyon; i dormi parey en femel lyon. Lekel ki kapab fer li leve? Sa enn ki beni li ava ganny beni; sa enn ki modi li ava ganny modi.

Nonm 24:9 ပူးပေါင်းရင်းမြစ်များ

Zenez 12:3

Mon pou beni bann ki beni ou; mon pou modi bann ki modi ou. Atraver ou, tou fanmir lo later pou ganny beni.”

Zenez 27:29

Bann pep ava servi ou, e bann nasyon ava prostern devan ou. Ou ava domin lo ou bann frer, e bann garson ou manman ava azenou devan ou. Sa enn ki modi ou, pou ganny modi; sa enn ki beni ou, pou ganny beni!

Zenez 49:9

Zida i parey en zenn lyon ki sorti lasas; i tonm ater e dormi koman en lyon, e parey en femel lyon. Lekel ki oze lev li?

1 Rwa 10:20

Lo peron, ti annan 12 lyon; enn lo sak kote sak mars. Okenn rwayonm pa ti'n zanmen fer en keksoz parey.

2 Kronik 9:18

Sa tronn ti annan sis mars e en lot mars annor devan tronn; tousala ti rekouver avek lor. Ti annan osi lebra lo sak kote tronn ek de lyon skilpte, debout kot sak lebra.

Ester 6:13

Ler Haman ti rakont son fanm Zeres ek tou son bann zanmi, sa ki ti'n ariv li, zot ti dir li, “Si Mardose, devan ki ou'n konmans abese i sorti dan pep Zwif, ou pa pou reisi fer nanryen kont li; ou pou sirman tonbe devan li.”

Liv Zob 41:10

Napa personn ki annan ase kouraz pour provok li. Alor, lekel ki kapab konfront li?

Psonm 122:6

Demann lape pour Zerizalenm. Bann ki kontan ou ava viv trankil.

Psonm 2:12

rekonnet son garson; pangar i pran lakoler e ki ou mor dan semen. Akoz son lakoler i mont fasilman. Byennere sa enn ki met son konfyans dan SENYER.

Egzod 23:22

Si ou ekout li fidelman, si ou fer tou sa ki mon dir, alor, mon pou vin en lennmi pour ou bann lennmi e en ladverser pour ou bann ladverser.

Ezai 31:4

La sa ki SENYER ti dir mwan: Ler en lyon oubyen son piti i gronnyen pour gard sa zannimo ki i'n atrape; ler bann berze i vir kont li, i pa fatig li avek zot kriye, ni trakas li. La ki mannyer SENYER liniver pou desann, pour lager lo montanny Siyon e son kolin.

Mise 5:8

Alor, parmi bann nasyon nonbre, leres desandan Zakob, pou koman en lyon parmi bann zannimo lafore, parey en zenn lyon dan en troupo mouton. Partou kot i pase, i kraz e desir son bann viktim, san ki personn i kapab vin delivre zot.

Nonm 22:12

Bondye ti dir Balaanm, “Ou pa pou al avek zot. Ou pa pou modi sa pep, akoz i en pep beni.”

Nonm 22:6

Vini e modi zot pour mwan, akoz zot pli for ki mwan. Petet mon ava kapab bat zot e pous zot lwen avek mon pei. Mon konnen ki sa ki ou beni, i ganny beni; sa ki ou modi, i ganny modi.

Nonm 23:24

Zot en pep ki debout parey en zannimo feros. I dres debout parey en lyon. I pa al dormi avan ki i'n fini devor son viktim e bwar disan tou sa ki i'n touye.

Nonm 24:10

Balak ti ankoler kont Balaanm. I ti tap dan son lanmen e dir li, “Mon ti apel ou isi pour modi mon bann lenn-mi. La i fer trwa fwa ki ou beni zot.

Matye 25:40

Lerwa pou reponn zot: Mon dir zot, sa i laverite: Sak fwa ki zot ti fer sa, pour enn bann pli pti parmi mon bann frer, se anver mwan, ki zot ti fer li!

Matye 25:45

Lerwa pou reponn zot: Mon dir zot, sa i laverite: Sak fwa ki zot ti refize ed enn sa bann pli pti parmi mon bann frer, se mwan ki zot ti refize.

Akt de Zapot 9:5

I ti demande, “Lekel ou Senyer?” Sa lavwa ti reponn: Mwan menm Zezi ki ou pe persekite.

Deterononm 30:7

SENYER, ou Bondye ava anvoy tou sa bann malediksyon lo ou bann lennmi e lo bann ki'n fer ou soufer,