Nonm 24:7 - Labib An Kreol Seselwa

⁷ Zot pou ganny bokou delo. Zot lagrenn pou ganny semen dan laplenn e ganny byen aroze. Bann lerwa Izrael pou pli gran ki Agag, zot rwayonm pou agrandi.

Nonm 24:7 ပူးပေါင်းရင်းမြစ်များ

2 Samyel 5:12

David ti rekonnet ki Bondye in etabli li koman lerwa lo pep Izrael e in fer son rwayonm enportan akoz son pep Izrael.

1 Rwa 4:21

Salomon ti gouvern tou bann rwayonm depi gran larivyer Efrat, pei Filisten, ziska frontyer Lezip. Lerwa sa bann rwayonm ti pey taks avek Salomon pandan tou zot lavi.

1 Rwa 5:1

Hiranm, lerwa lavil Tir, ti en zanmi lerwa David. Ler i ti antann ki Salomon in ganny konsakre koman lerwa pour ranplas son papa, i ti anvoy en delegasyon kot Salomon.

1 Kronik 14:2

David ti rekonnet ki SENYER in etabli li koman lerwa lo Izrael e ki son rwayonm ti'n vin pli renonmen akoz Izrael, son pep.

Esdras 4:20

I'n annan bann gran lerwa dan Zerizalenm, ki ti renny lo provens antye, lo lot kote larivyer e ki zot ti resevwar taks, drwa ladwann ek drwa pasaz.

Ester 3:1

En pe letan apre sa bann levennman, lerwa Zerzes ti donn promosyon Haman, garson Hamedata, en Agagit: I ti donn li en pozisyon par lao tou bann o zofisye dan son ran.

Psonm 18:43

Ou delivre mwan kont soulevman lepep. Ou fer mwan sef bann nasyon. En pep ki mon pa konnen in vin mon serviter.

Psonm 68:26

Bann sours Izrael! Loue SENYER Bondye. Remersye Bondye dan bann lasanble.

Psonm 72:11

Tou bann lerwa ava prostern devan li e tou bann nasyon ava servi li.

Psonm 89:27

Mon pou fer li vin mon premye garson, pli gran parmi bann lerwa lo later.

Ezai 2:2

Dan lavenir, montanny kot tanp SENYER ti ete, pou vin pli o parmi tou bann montanny; i pou pli o ki bann kolin. Tou bann nasyon pou al ver li.

Ezai 30:25

Sa zour gran masak, bann tour pou tonbe, delo pou sorti lo montanny e lo oter tou bann kolin e pou koul annabondans.

Ezai 48:1

Desandan Zakob, zot ki port non Izrael, e zot ki sorti dan leren Zida! Ekoute. Zot ki pret serman lo non SENYER e envok Bondye Izrael, me zot pa ni senser, ni lwayal.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Zeremi 51:13

Zot, bann zabitan Babilonn ki reste kot delo i annabondans! Zot annan en kantite larises! Me zot letan in fini. Pa reste lontan pour zot viv.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Nonm 24:20

Dan son vizyon, Balaanm ti war bann Amalesit. I ti fer son prediksyon: Amalek i nasyon pli pwisan. Me finalman, i pou ganny detri.

Levanzil dapre Zan 1:49

Natanael ti dir li, “Met! Ou menm Garson Bondye. Ou menm lerwa pep Izrael.”

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 17:1

Apre sa, enn parmi bann lanz ki ti pe tenir sa set lakoup ti vin koz avek mwan: Vini! Mon ava montre ou kondannasyon ki pe esper sa gran prostitye ki pe asize lo losean.

Revelasyon 17:15

Lanz ti dir mwan ankor: Losean kot ou ti war sa fanm prostitye pe asiz lo la, se bann pep, bann lafoul dimoun, bann nasyon ek bann lalang.

Revelasyon 19:16

Lo son rob e lo son kwis, en non in ganny enskri: Lerwa tou bann lerwa, Senyer tou bann senyer.