Nonm 24:6 - Labib An Kreol Seselwa

⁶ Zot parey bann long ranze palmye obor larivyer parey bann aloes ki SENYER in plante, parey pye sed obor delo.

Nonm 24:6 ပူးပေါင်းရင်းမြစ်များ

Zenez 13:10

Lot ti lev lizye, e i ti war vale Zourden kot ti annan bokou delo. Avan ki SENYER ti detri Sodonm ek Gomor sa landrwa ziska ver Soar, ti parey zarden SENYER, parey Lezip.

Psonm 1:3

I parey en pye dibwa ki'n ganny plante obor larivyer, ki raport fri dan son sezon; son fey i reste touzour ver. I reisi dan tou sa ki i antreprann.

Psonm 104:16

Bann pye dibwa ek bann pye sed Liban ki SENYER in plante i ganny byen aroze.

Psonm 45:8

Ou lenz i santi loder lesans aloes ek kannel. Depi dan ou pale dekore avek livwar, zoli lanmizik i fer ou lazwa.

Kantik Salomon 6:11

Mon'n desann dan zarden bann zarbis fri, pour war bann zenn plant pouse dan vale, pour war si bann pye rezen pe bourzonnen, si bann pye grenad pe fleri.

Ezai 41:19

Mon pou fer pye sed, akasya, mirt ek pye zoliv pouse dan dezer. Dan bann landrwa sek, mon pou fer pouse ansanm, toudsort pye dibwa.

Ezai 58:11

SENYER pou touzour gid ou e donn ou tou sa ki ou bezwen. I pou redonn ou lafors ler ou dan difikilte e ou ava parey en zarden byen aroze, parey en sours ki pa zanmen mank delo.

Zeremi 17:18

SENYER! Fer onte sa bann ki persekit mwan; me eparny mwan. Fer zot tranble avek lafreyer, me eparny mwan. Fer zour maler tap zot, detri zot konpletman.

Zeremi 31:12

Zot pou vin selebre lo kolin Siyon avek lazwa lo zot figir, kan zot ava war tou sa ki SENYER in donn zot: Dible, diven nouvo, delwil, mouton, kabri ek bef. Zot lavi pou parey en zarden byen aroze; zot pou annan tou sa ki zot bezwen.

Ezekyel 47:12

Me lo de bor larivyer, tou kalite pye fri pou pouse. Son bann fey pa pou zanmen fletri e i pou touzour donn fri. Zot pou raport fri sak mwan, akoz i pou ganny aroze avek delo ki sorti dan tanp. Son fri pou ganny servi pour nouritir e son feyaz pour remed.

Zoel 3:18

Sa zour, diven ek dile pou koule sorti lo montanny. Delo pou koule dan tou bann larivyer dan Zida. En sours pou sorti dan tanp SENYER; i pou aroz bann landrwa sek.

Nonm 24:5

Zakob! Ou bann latant, Ou bann abitasyon ek ou demer i zoli, Izrael!