Nonm 24:17 - Labib An Kreol Seselwa

¹⁷ Mon war dan lavenir, mon gete, me ankor dan lwen. En zetwal pou sorti dan Zakob, en lerwa pou leve sorti dan Izrael. I pou tap Moab dan son latanp, e kraz latet bann desandan Set.

Nonm 24:17 ပူးပေါင်းရင်းမြစ်များ

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

2 Samyel 8:14

I ti etabli son solda dan pei Edonm, atraver Edonm antye i ti plas bann solda, e tou bann zabitan Edonm ti soumet anba kontrol David. SENYER ti donn David laviktwar partou kot i ti ale.

2 Samyel 8:2

I ti bat osi bann zabitan Moab ki i ti fer dormi ater, e mezir zot avek en bout lakord. I ti fer touy sak de premye mezir, e les viv trwazyenm. Bann Moabit ti vin anba dominasyon David, e zot ti forse pey taks.

2 Rwa 3:5

Me kan Akab ti mor, lerwa Moab ti revolte kont lerwa Izrael.

1 Kronik 18:2

I ti bat bann Moabit ki ti vin bann serviter David. Zot ti bezwen pey li taks.

Psonm 110:2

Depi Siyon, SENYER pou agrandi ou dominasyon. I pou fer ou domin lo ou bann lennmi.

Psonm 45:6

Pei ki Bondye in donn ou pou gouvernen, pou egziste pour touzour. Ou baton rwayal i en baton ladrwatir.

Ezai 15:1

La mesaz lo Moab: Dan en lannwit, Ar-Moab ti ganny detri; i ti ganny plonze dan silans. Dan en lannwit, Kir-Moab ti ganny detri; i ti ganny plonze dan silans.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Zeremi 48:1

La sa ki SENYER liniver, Bondye Izrael i deklare konsernan Moab: Maler pour Nebo! In ganny detri. Kiryataim in ganny imilye, in ganny kaptire; son bann miray in ganny kraze.

Zeremi 48:45

Bann refizye san okenn defans pou esey al rod proteksyon dan Hesbonn, sa lavil ki ti ganny dirize par lerwa Siyonn. Me la i pe brile. Dife in detri tou, depi frontyer ziska latet bann montanny. Moab, sa pei kot son bann zabitan i kontan lape.

Zakari 10:4

Ros prensipal pou sorti dan Zida; solid koman pike latant, for koman lark lager.

Zakari 12:10

Mon pou repann lo tribi David e lo bann zabitan Zerizalenm, en lespri konpasyon ek siplikasyon. Konmsa, kan zot ava lev lizye ver mwan ki zot in transperse, zot ava plere, parey sa enn ki pler son sel garson avek bokou tristes, parey sa enn ki plere lo son premye zanfan.

Nonm 21:29

Maler lo ou, Moab! Pei Kemos in ganny detri. I ti les son bann zonm ganny egzile; son bann fiy in ganny kaptire par Sihonn, lerwa bann Amorit.

Nonm 24:16

Parol en zonm ki antann Parol Bondye, ki konn plan Bondye Toupwisan, ki war sa ki Bondye i montre li, ki prosternen e ki war vizyon.

Levanzil dapre Lik 1:78

Gras a labonte nou Bondye, son lalimyer pou ekler nou depi lao dan lesyel.

Ebre 1:8

Me lo size son Garson i deklare: Bondye! Ou tronn in ganny etabli pour touzour. E ankor: Ou renny, i en renny ranpli avek lazistis.

Ebre 7:14

Nou tou nou konnen ki nou Senyer ti sorti dan tribi Zida, e Moiz pa'n mansyonn nanryen lo sa tribi kan i ti koz lo bann pret.

2 Pyer 1:19

Ensi, nou osi annan konfyans dan parol solid bann profet. Zot annan rezon port bokou latansyon lo la, akoz i koman en lalimyer ki briye dan fernwanr, ziska ki lizour i fer e zetwal granmaten i leve e briy dan zot leker.

Let Zid 1:11

Maler lo zot! Zot in swiv menm semen ki Kaen. Pour larzan, zot in livre zot dan menm lerer ki Balaanm. Zot in ganny detri akoz zot in revolte parey Kore.

Revelasyon 1:7

La i pe vini parmi bann nyaz, e tou dimoun pou war li; menm sa bann ki ti transpers li. Tou bann nasyon lo later pou lamante lo son size. Wi! Amenn.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 22:16

Mwan Zezi, mon'n anvoy mon lanz avek sa temwannyaz konsernan bann Legliz. Mwan menm desandan David; mwan menm sa zetwal ki briye granmaten.

1 Samyel 14:38

Alor Sail ti dir avek bann sef lepep, “Apros isi! Ozordi, zot pou war ki pese in ganny fer ozordi.