Nonm 23:13 - Labib An Kreol Seselwa

¹³ Balak ti dir Balaanm, “Vin avek mwan dan en lot landrwa kot ou pou kapab war sa pep. Ou pou war zis en parti, ou pa pou war zot tou. Ou ava modi zot pour mwan.”

Nonm 23:13 ပူးပေါင်းရင်းမြစ်များ

1 Rwa 20:23

Bann zofisye Aranm, lerwa Lasiri ti dir li, “Bondye Izrael i en bondye montanny; pour sa rezon ki zot ti pli for ki nou. Annou atak zot dan laplenn; la, nou pou sirman pli for ki zot.

1 Rwa 20:28

Profet Bondye, ti aprose e dir lerwa Izrael, “La sa ki SENYER i deklare: Akoz bann Siriyen in dir SENYER i en bondye montanny, me pa en bondye laplenn, mon pou livre sa gran lafoul dimoun dan zot lanmen, e zot, zot ava konnen ki mwan menm SENYER.”

Psonm 109:17

I ti kontan modi: Aprezan i ava ganny modi! I pa ti kontan beni: Aprezan benediksyon ava pas akote li!

Mise 6:5

Mon pep! Rapel byen konplo Balak, lerwa Moab; sa ki Balaanm, garson Beor, ti reponn li; e sa ki ti arive kan ou ti traverse depi Sitim ziska Gilgal. Alor, ou ava rekonnet laviktwar ki SENYER in fer.

Nonm 22:41

Lannmen bomaten, Balak ti pran Balaanm e mont avek li ziska Bamot-Baal kot i ti war selman en parti pep Izrael.

Nonm 22:6

Vini e modi zot pour mwan, akoz zot pli for ki mwan. Petet mon ava kapab bat zot e pous zot lwen avek mon pei. Mon konnen ki sa ki ou beni, i ganny beni; sa ki ou modi, i ganny modi.

Nonm 23:12

Balaanm ti reponn, “Mon kapab repet zis parol ki SENYER i dir mwan.”

Nonm 23:14

I ti anmenn li dan laplenn Zofim lo latet montanny Pisga. La osi, i ti fer set lotel e ofer sakrifis en toro ek en mouton mal lo sak lotel.

Zozye 24:9

Balak, garson Sipor, lerwa Moab, ti leve pour atak Izrael. I ti anvoy apel Balaanm, garson Beor, pour modi zot.