Nonm 22:7 - Labib An Kreol Seselwa

⁷ Bann sef Moab ek bann sef Madyanit ti anmenn kado pour Balaanm. Ler zot ti ariv kot Balaanm, zot ti donn li mesaz sorti kot Balak.

Nonm 22:7 ပူးပေါင်းရင်းမြစ်များ

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Ezai 56:11

Me zot, zot en bann lisyen voras ki pa zanmen ase manze. Zot en bann berze ki pa konpran nanryen. Sakenn i swiv son prop semen, sakenn i rod zis son lentere.

Ezekyel 13:19

Zot in dezonor mwan devan mon pep pour detrwa ponnyen lorz ek detrwa morso dipen. Par zot mansonz avek mon pep ki ekout zot, zot in touy dimoun ki pa merit lanmor e les viv sa bann ki pa devre viv.

Ezekyel 21:21

Lerwa Babilonyen i debout dan krwaze semen pour tir osor. I sekwe son bann dart; i konsilte son bann stati; i egzamin lefwa zannimo.

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Nonm 22:8

Balaanm ti dir zot: Pas lannwit isi; demen mon ava donn zot en larepons dapre parol ki SENYER ava dir mwan. Alor, bann sef Moab ti pas lannwit kot Balaanm.

Nonm 23:23

Okenn sor pa pran lo Zakob. Ni okenn pouvwar mazik pa pou servi lo Izrael. Letan pou arive, kan dimoun pou dir lo Zakob ek Izrael: Get travay ki Bondye in fer.

Nonm 24:1

Balaanm ti'n fini konpran ki SENYER in trouv bon beni Izrael. Alor, i pa ti al rod rekour dan pratik mazik parey avan. I ti tourn dan direksyon dezer.

Romen 16:18

Annefe, sa bann dimoun pa servi Kris, nou Senyer, me zot vant. Par zot bann zoli parol ek bann diskour flater, zot arive anbet dimoun ki lespri i senp.

Let Pol pour bann Tit 1:11

Fodre ferm zot labous, akoz zot boulvers en kantite fanmir par bann keksoz ki zot pa devre ansennyen. Zot fer sa pour ganny larzan dan en fason malonnet.

Zozye 13:22

Parmi bann ki pep Izrael ti masakre, ti annan Balaanm, sa deviner, garson Beor; i ti parmi bann viktim.

2 Pyer 2:15

Zot in abandonn vre semen e zot in egare lo zot larout. Zot in swiv menm semen ki Balaanm, garson Bosor ki ti kontan larzan, ki i ti gannyen pour fer lemal.

Let Zid 1:11

Maler lo zot! Zot in swiv menm semen ki Kaen. Pour larzan, zot in livre zot dan menm lerer ki Balaanm. Zot in ganny detri akoz zot in revolte parey Kore.