Nonm 22:5 - Labib An Kreol Seselwa

⁵ ti anvoy bann mesaze kot Balaanm, garson Beor, ki ti pe reste Petor obor larivyer Efrat, pour dir li: I annan en pep ki sorti Lezip. Zot kouver pei antye e zot reste vizavi avek mwan.

Nonm 22:5 ပူးပေါင်းရင်းမြစ်များ

Zenez 13:16

Mon pou fer ou desandans vin sitan nonbre, parey lapousyer later ki personn pa kapab konte.

Psonm 105:24

SENYER ti miltipliy son pep e fer li vin pli for ki son bann lennmi.

Egzod 10:15

Zot ti kouver pei antye e partou ti fernwanr. Zot ti devor tou vezetasyon dan Lezip, tou bann fri e tou sa ki lagrel ti'n kite. Partou dan Lezip, pa ti reste en sel fey ver lo okenn pye dibwa, ni zerb dan lakanpanny.

Mise 6:5

Mon pep! Rapel byen konplo Balak, lerwa Moab; sa ki Balaanm, garson Beor, ti reponn li; e sa ki ti arive kan ou ti traverse depi Sitim ziska Gilgal. Alor, ou ava rekonnet laviktwar ki SENYER in fer.

Nonm 23:7

Balaanm ti pronons sa profesi: Balak in fer mwan vini sorti Aranm, lerwa Moab in fer mwan desann sorti Siri, dan bann montanny dan Les. Vini! Modi Zakob! Vini! Al menas Izrael avek malediksyon!

Nonm 31:8

Zot ti touy osi sa senk lerwa Madyann: Evi, Rekenm, Zour, Hour, Reba. Zot ti osi touy Balaanm, garson Beor.

Deterononm 23:4

Annefe, zot pa ti vin rankontre zot lo semen avek dipen ek delo, kan zot ti pe sorti Lezip; osi akoz zot ti pey Balaanm garson Beor, sorti Petor dan Aranm an Mezopotami pour li modi zot.

Deterononm 23:5

Me SENYER, ou Bondye pa ti ekout Balaanm; SENYER, ou Bondye ti sanz sa malediksyon an en benediksyon pour ou, akoz SENYER, ou Bondye ti kontan ou.

Zozye 13:22

Parmi bann ki pep Izrael ti masakre, ti annan Balaanm, sa deviner, garson Beor; i ti parmi bann viktim.

Zozye 24:9

Balak, garson Sipor, lerwa Moab, ti leve pour atak Izrael. I ti anvoy apel Balaanm, garson Beor, pour modi zot.

Let Zid 1:11

Maler lo zot! Zot in swiv menm semen ki Kaen. Pour larzan, zot in livre zot dan menm lerer ki Balaanm. Zot in ganny detri akoz zot in revolte parey Kore.

Revelasyon 2:14

Sepandan, mon annan detrwa repros pour fer ou: Ou annan kot ou serten dimoun ki atase avek lansennyman Balaanm. I ti montre Balak konman pour fer bann Izraelit tonm dan pese: I ti fer zot manz lavyann ki'n ganny ofer avek zidol e fer zot pratik limoralite seksyel.