Nonm 21:6 - Labib An Kreol Seselwa

⁶ Alor, SENYER ti anvoy bann serpan anpwazonnen mord zot. Bokou bann Izraelit ti ganny morde e bokou zot ti mor.

Nonm 21:6 ပူးပေါင်းရင်းမြစ်များ

Ezai 14:29

Bann Filisten pa bezwen rezoui, akoz sa baton ki pe tap lo zot in ganny kase. Annefe, en viper pou sorti dan kadav en serpan, dan sa viper pou sorti en dragon volan.

Ezai 30:6

La en mesaz konsernan bann zannimo ki viv dan Negev: Atraver en pei kot i annan maler ek detres, la kot lyon, mal ek femel i reste, kot serpan ek dragon volan i reste, zot anmenn zot larises lo ledo bourik, zot trezor lo bos samo; kado pour en pep ki pa kapab fer nanryen pour ed zot!

Zeremi 8:17

SENYER i deklare: La mon pe anvoy tou kalite serpan kont zot. Personn pa pou kapab kontrol zot; zot pou ganny morde.

Ezekyel 14:15

Si mon anvoy bann bebet feros atraver pei e ki zot devor bann zabitan, devaste pei e ki personn pa kapab pase akoz sa bann zannimo sovaz,

1 Korentyen 10:9

Pa tant Senyer, parey serten parmi zot ti fer e ti ganny detri par serpan.

Deterononm 8:15

I ti gid ou atraver gran dezer ki fer per ek en later ranpli avek serpan anpwazonnen, skorpyon. Kot ti napa okenn delo, i ti fer delo sorti dan ros granit pour ou.